নিয়মীয়া বাৰ্তা, ২১ ডিচেম্বৰঃ কুঁৱলীয়ে ঢকা লখ্নৌৰ আকাশ। শ্বেত আচ্ছাদনৰ মাজত জিলিকি থকা তাজমহল। তাজমহলৰ সন্মুখতে হাতত গোলাপ লৈ মোগল ঈ আজম ছাহজাহানক স্মৰণ কৰিলে বলীউডৰ অভিনেতা অক্ষয় কুমাৰে।
মোগল সম্ৰাটৰ সাজ পিন্ধি তাজমহলৰ সন্মুখত পোজ দিয়া ছাহজাহান ৰূপী অক্ষয় কুমাৰৰ এই ফটো নিমিষতে হৈ পৰিল ভাইৰেল। ৰোমান্টিক ড্রামা ‘অতৰঙ্গি ৰে’ৰ (Atrangi Re) শ্বুটিং কৰোঁতে লখ্নৌ পায় অক্ষয়। লগত আছিল পৰিচালক আনন্দ এল ৰাই আৰু নায়িকা ছাৰা আলি খান।
শুনা গৈছে ছবিখনত দ্বৈত চৰিত্ৰত অভিনয় কৰিছে ছাৰাই। দক্ষিণৰ তাৰকা ধনুশো আছে ছবিত। আজি তাজমহলৰ সন্মুখত শ্বুটিং পর্ব আছিল অক্ষয় তথা ছাৰাৰ। ‘অতৰঙ্গি ৰে’ত অক্ষয়, ছাৰা তথা ধনুশ ছাৰাৰ উপৰি আছে নিমৰত কৌৰ আৰু মহম্মদ জিছান আয়ুব।
ছবিৰ সংগীতৰ দায়িত্বত আছে এ আৰ ৰেহমান। অক্ষয়ৰ বেশভূষা তথা মেজাজ অনুযায়ী ধাৰণা কৰা হৈছে তেওঁ গানৰ কোনো দৃশ্যত আছে। প্রেমৰ ছবি ‘অতৰঙ্গি ৰে’। অহা বছৰৰ ভেলেন্টাইনছ ডে অর্থাৎ ১৪ ফেব্ৰুৱাৰীত ছবিটি ৰিলিজ কৰাৰ পৰিকল্পনা কৰিছে পৰিচালক তথা প্রযোজকে। আজি মোগল ঈ আজমৰ পোজৰ মাজেৰে অক্ষয়ে ছবিখনৰ এক প্ৰচাৰো কৰিলে।