নিয়মীয়া বাৰ্তা ২ জানুৱাৰীঃ বুধবাৰে জ্যোতি চিত্রবনত প্রদর্শন কৰা হয় ‘অর্জুনঃ The Hero of Forest’ নামৰ তথ্যচিত্রখনৰ প্রিমিয়াৰ৷ বিদ্যা ফিল্মছৰ বেনাৰত নির্মিত এই চলচ্চিত্রখনত দাঙি ধৰা হৈছে বন্যপ্রাণীৰ সংগ্রাম আৰু বনাঞ্চল ধংসৰ এক জীয়া প্রতিচ্ছবি৷ বনমন্ত্রী পৰিমল শুক্লবৈদ্য, বন বিভাগৰ মুখ্য সচিব অবিনাশ যোশী, অভিনেতা আকাশদীপৰ লগতে তথ্যচিত্রখনৰ সৈতে জড়িত কলা–কুশলীসকলৰ উপস্থিতিত প্রদর্শন কৰা হয় প্রিমিয়াৰ শ্ব’৷ প্রিমিয়াৰ শ্ব’ৰ শেষত বনমন্ত্রী শুক্লবৈদ্যই চলচ্চিত্রখনে নতুন বছৰত সকলোৰে মনত প্রকৃতিপ্রেম জগাই তুলিবলৈ সমর্থ হ’ব বুলি আশা প্রকাশ কৰে৷ তথ্যচিত্রখনৰ ৰচনা আৰু পৰিচালনা ৰজনী বর্মনৰ৷ প্রযোজনা কৰিছে গণেশ তামুলীয়ে৷