নিয়মীয়া বাৰ্তা ২ জানুৱাৰীঃ পশ্চিমবংগৰ শাসকীয় দল তৃণমূল কংগ্রছ (টিএমচি)ৰ প্রতিষ্ঠা দিৱসত আজি দলটোৰ মুৰব্বী তথা মুখ্যমন্ত্রী মমতা বেনার্জীয়ে দলৰ নেতা তথা কর্মীসকলক জনসাধাৰণৰ সেৱাত নিৰলসভাৱে কাম কৰি যোৱা বাবে ধন্যবাদ জ্ঞাপন কৰিছে৷ স্মর্তব্য যে ১৯৯৮ চনৰ ১ জানুৱাৰীত তৃণমূল কংগ্রেছ গঠন কৰিছিল মমতা বেনার্জীয়ে৷ দলটোৰ ২৩সংখ্যক প্রতিষ্ঠা দিৱসত ‘মা–মাটি–মানুষ’ নীতিক লৈ পুনৰ দলৰ কর্মীসকলক সংকল্পবদ্ধ হ’বলৈ আহ্বান জনাইছে৷ লক্ষণীয়ভাৱে শেহতীয়াকৈ পশ্চিমবংগত তৃণমূল কংগ্রেছ বিজেপিৰ তীব্র প্রত্যাহ্বানৰ সন্মুখীন হৈছে যদিও পশ্চিমবংগবাসীয়ে দলটোক পুনৰ ক্ষমতালৈ আনিব মমতা বেনার্জীয়ে বুলি ঘোষণা কৰিছে৷