নিয়মীয়া বাৰ্তা ১৫ জানুৱাৰীঃ বুধবাৰে ভোগালী বিহু উপলক্ষে সামাজিক সংস্থা ‘সৃজন’ৰ উদ্যোগত ভোগালী বিহু পালন কৰা হয় আত্মীয়ৰ পৰা আঁতৰত থকা বয়সস্থ লোকসকলৰ আশ্রয়স্থল ‘গণ সাৰথি বৃদ্ধা আশ্ৰম’ত। ‘গণ সাৰথি বৃদ্ধা আশ্ৰম’ত থকা বয়োজ্যেষ্ঠ লোকসকলৰ লগত দৈ-চিৰা, লাড়ু-পিঠা খাই বিহুৰ আশীৰ্বাদ গ্ৰহণ কৰে সৃজনৰ সদস্যসকলে। এই আয়োজনৰ সহযোগ আগবঢ়োৱা লোকসকলৰ লগতে সকলো শুভাকাংশী সকলক সৃজনৰ তৰফপৰা সভাপতি সীমান্ত ঠাকুৰীয়াই কৃতজ্ঞতা জ্ঞাপন কৰে। লগতে আগন্তুক দিনবোৰত সমাজৰ বিভিন্ন স্তৰৰ লোকসকলৰ বাবে কাম কৰি যোৱাৰ পৰিকল্পনা গ্ৰহণ কৰিছে সৃজনে।