নিয়মীয়া বাৰ্তা, ৭ ফেব্ৰুৱাৰীঃ আজি অসমলৈ আহিছে দেশৰ প্ৰধানমন্ত্ৰী নৰেন্দ্ৰ মোদী। বিধানসভা নির্বাচনৰ বাবে আজি মধ্য অসমৰ ঢেকীয়াজুলিত ৰণশিঙা বজাব প্রধানমন্ত্রী নৰেন্দ্র মোদীয়ে৷
প্রধানমন্ত্রীগৰাকীয়ে এই ৰাজহুৱা সভাত অংশগ্রহণ কৰি ইয়াৰ পৰায়ে বিশ্বনাথ আৰু চৰাইদেউত স্থাপন হ’বলগীয়া নতুন মেডিকেল কলেজ দুখনৰ আধাৰশিলা স্থাপন কৰিব।
উল্লেখ্য যে, প্ৰধানমন্ত্ৰী গৰাকীয়ে প্ৰথমে বিশ্বনাথত উপস্থিত হৈ বিশ্বনাথ মেডিকেল কলেজখনৰ আধাৰশিলা স্থাপন কৰাৰ কথা আছিল যদিও পিছৰ পৰ্যায়ত সেই কাৰ্যসূচী বাতিল হোৱাত ঢেকীয়াজুলিৰ পৰাই আধাৰশিলা স্থাপন কৰিব মেডিকেল কলেজখনৰ।
জানিব পৰা মতে, বিশ্বনাথৰ মধুপৰৰ সাপ্তাহিক বজাৰ আৰু বিশ্বনাথ মহকুমা চিকিৎসালয়ক সামৰি প্ৰায় ২০০ বিঘা মাটিত এই মেডিকেল কলেজখন নিৰ্মাণ হ’ব।