নিয়মীয়া বাৰ্ত, ২১ ফেব্ৰুৱাৰীঃ পুনৰ সংক্ৰমণ ঘটিছে নেকি ক’ৰোনাৰ? দেশৰ আন ৫খন ৰাজ্যত ক্ৰমান্বয়ে ক’ৰোনাৰ নতুন সংক্ৰমণক লৈ কেন্দ্ৰীয় চৰকাৰে দেশবাসীক সাৱধান কৰি দিয়াৰ পিছত আজি গুৱাহাটীত পাণবজাৰস্থিত ডনবস্ক’ৰ সমীপৱৰ্তী অঞ্চলক ঘোষণা কৰা হৈছে কন্টেনমেন্ট জ’ন হিচাপে।
অঞ্চলটোক ৭ দিনৰ বাবে কন্টেনমেন্ট জ’ন হিচাপে ঘোষণা কৰা হৈছে। প্ৰশাসনে গ্ৰহণ কৰা এই সিদ্ধান্ত অনুসৰি ২৭ ফেব্রুৱাৰীলৈ কণ্টেইনমেণ্ট জ’নত থাকিব লাগিব অঞ্চলটো। উল্লেখ্য, স্কুলখনৰ দুগৰাকী শিক্ষয়িত্রীৰ দেহত ক’ভিড-১৯ প’জিটিভ পোৱাৰ পিছত এই সিদ্ধান্ত লোৱা হৈছে।