নিয়মীয়া বাৰ্তা, ৬ মাৰ্চঃ অসম সাহিত্য সভাৰ জগতৰ পৰা অসমৰ ৰাজনৈতিক জগতত প্ৰৱেশ কৰা পৰমানন্দ ৰাজবংশীয়ে অগপৰ পৰা বিজেপিত যোগদান কৰিব পাৰে আজি। ছিপাঝাৰ সমষ্টিৰ পৰা অগপৰ পৰা প্ৰাৰ্থী ৰূপে নিৰ্বাচনত অৱতীৰ্ণ হোৱাৰ প্ৰস্তুতি চলোৱাৰ সময়তে ছিপাঝাৰ সমষ্টিৰ বিজেপি নেতা বিনন্দ শইকীয়া তথা বিজেপি নেত-কৰ্মীৰ মাজত হোৱা প্ৰতিক্ৰিয়াৰ প্ৰতি দৃষ্টি ৰাখি ৰাজবংশীয়ে বিজেপিত যোগদান কৰাৰ সম্ভাৱনা আছে। উল্লেখ্য, বিজেপিৰ হৈ ছিপাঝাৰ সমষ্টিৰ পৰা নিৰ্বাচন খেলিব ৰাজবংশীয়ে।