নিয়মীয়া বাৰ্তা, ৯ মাৰ্চঃ নিৰ্বাচনৰ বতৰত বৰপেটাত টকাৰ উজান। বৰপেটা-বাঘবৰ পথত জব্দ প্ৰায় ১৯ লাখ ৫৫ হাজাৰ টকাৰ নগদ ধন।
বৰপেটাৰ চক্ৰ বিষয়া প্ৰাঞ্জল কুমাৰ দাসৰ নেতৃত্বত ফ্লায়িং স্কোৱাৰ্ড আৰু বৰপেটা আৰক্ষীয়ে তালাচী চলায় জব্দ কৰে নগদ ধনখিনি।
আশ্ৰাফুল চিকদাৰ, চুভান আলি আৰু মফিদুল ইছলাম নামৰ তিনিজন ব্যক্তিৰ পৰা জব্দ কৰা হয় ধনখিনি। লগতে নগদ ধনসহ জব্দ কৰা হয় এখন ৰঙা ব’লেৰো বাহন। জব্দকৃত বাহনখনৰ পঞ্জীয়ন নম্বৰ AS 01 BD 6261।
উল্লেখ্য যে বাহনখনেৰে নগদ ধনসহ মন্দিয়া অভিমুখে গৈ আছিল আটকাধীন লোককেইজনে।সদ্যহতে বৰপেটা কোষাগাৰত জমা ৰখা হৈছে জব্দ হোৱা নগদ ধনৰাশি। কি উদ্দ্যেশ্যত ক’ৰ পৰা ক’লৈ ধনৰাশি সৰবৰাহৰ পৰিকল্পনা কৰিছিল, সেই সন্দৰ্ভত সবিশেষ জানিব পৰা হোৱা নাই।