জোনাইত কংগ্ৰেছ প্ৰাৰ্থী ডা: হেমহৰি প্ৰসন্ন পেগুৰ মনোনয়ন পত্ৰ দাখিল

নিয়মীয়া বাৰ্তা ৯ মাৰ্চঃজোনাই বিধানসভা সমষ্টিৰ কংগ্ৰেছ দলৰ প্ৰাৰ্থী ডা: হেমহৰি প্ৰসন্ন পেগুৱে আজি জোনাই মহকুমাধিপতি তথা জিলা নিৰ্বাচনী বিষয়া জিমলি শইকীয়া কাকতিৰ ওচৰত মনোনয়ন পত্ৰ দাখিল কৰে। কংগ্ৰেছ প্ৰাৰ্থী ডা: হেমহৰি প্ৰসন্ন পেগুৰ মনোনয়ন পত্ৰ দাখিলৰ সময়ত প্ৰদেশ কংগ্ৰেছৰ সম্পাদক সুশীল পেগুৱে উপস্থিত থাকে। ইপিনে কংগ্ৰেছ প্ৰাৰ্থী ডা: হেমহৰি প্ৰসন্ন পেগুৱে চিলাপথাৰ পৰা জোনাই লৈ বাইক ৰেলী কৰি আহি মুৰ্কংচেলেক ব্লক কংগ্ৰেছৰ কাৰ্যালয়ত প্ৰৱেশ কৰি দলীয় কৰ্মীসকলক সম্বোধন কৰে। ইয়াৰ পিছত জোনাই মহকুমাধিপতি কাৰ্যালয় লৈ সমদল কৰি আহি মনোনয়ন পত্ৰ দাখিল কৰে।

মনোনয়ন দাখিলৰ পিছতে জোনাই সমষ্টিত বিজেপিৰ প্ৰাৰ্থী ভূৱন পেগুক প্ৰতিদ্বন্দিতা কৰিবলৈ কেনে ৰণকৌশল লৈছে বুলি সাংবাদিকৰ প্ৰশ্নৰ উত্তৰত কংগ্ৰেছ প্ৰাৰ্থী হেমহৰি প্ৰসন্ন পেগুৱে কয় প্ৰতিন্ধন্ধীটো সকলো দলেই প্ৰতিদ্বন্দী হয় মই ভূৱন পেগুক প্ৰতিদ্বন্দিতা হিচাপে নহয় মই জোনাই সমষ্টিত ৰাইজৰ আস্থাৰ ভোট কেনেকৈ পাম তাক লৈহে মই আগবাঢ়িম মোৰ এটাই সংকল্প বিভিন্ন জাতি জনগোষ্ঠীৰ সম অধিকাৰ সম উন্নয়ন আৰু ভাতৃত্ববোধেৰে মই আগবাঢ়িম৷ আৰু লগতে কয় জোনাই সমষ্টিত ১০০ শতাংশ নিশ্চিত কংগ্ৰেছ দল জয়ী হব কিয়নো ইমান দিনে বিজেপিৰ প্ৰতাৰণা বলি হয় আছে অসমৰ ৰাইজৰ লগতে জোনাই ৰাইজে৷ এতিয়া বৰ্তমানৰ বিজেপিৰ প্ৰাৰ্থী জন গণশক্তি দলৰ প্ৰাৰ্থী আছিল তেওঁ নিজৰ দল ত্যাগ কৰি বিজেপিত যোগদান কৰি এইবাৰ বিজেপিৰ হৈ খেলিব যিহেতু জনসাধাৰণৰ আস্থা নথকা দলতে যিহেতু যোগদান কৰিছে গতিকে এইবাৰ কংগ্ৰেছ প্ৰাৰ্থী হৈ পেগুৱে ১০০ শতাংশই জয়ী হোৱাটো নিশ্চিত বুলি কয়৷