নিয়মীয়া বাৰ্তা ১০ মাৰ্চঃ নলবাৰীত আজি মনোনয়ন পত্ৰ দাখিল কৰে বিজেপি তথা মিত্ৰজোঁটৰ প্ৰাৰ্থী জয়ন্ত মল্ল বৰুৱাই। মনোনয়ন দাখিল কৰাৰ পূৰ্বেই জয়ন্ত মল্ল বৰুৱাই ঘৰতে পূজা কৰি সেৱা আগবঢ়াই। জয়ন্ত মল্ল বৰুৱাৰ মনোনয়ন পত্ৰ দাখিলৰ সময়ত উপস্থিত থাকে মন্ত্ৰী ড০ হিমন্ত বিশ্ব শৰ্মা। এক বিশাল ৰেলীত অংশ গ্ৰহণ কৰে মন্ত্ৰী ড০ হিমন্ত বিশ্ব শৰ্মাই। লগতে উপস্থিত আছিল সাংসদ দিলীপ শইকীয়া, মন্ত্ৰী চন্দ্ৰ মোহন পাটোৱাৰী, সাংসদ বিশ্বজিত দৈমাৰীকে ধৰি বিজেপিৰ বহু নেতা।
লগতে বিশাল ৰেলীত অংশ গ্ৰহণ কৰে হাজাৰ হাজাৰ মিত্ৰজোঁটৰ সৰ্মৰ্থকে। একাংশ সমৰ্থকে বিজেপি জিন্দাবাদ দি মুখৰিত কৰি তোলে নলবাৰী চহৰ।
উল্লেখ্য যে বিজেপিৰ দখলতে আছিল নলবাৰী সমষ্টিটো। পূৰ্বতে বিধায়ক আছিল অশোক শৰ্মা। কিন্তু এইবাৰ প্ৰাৰ্থী সলনি কৰি জয়ন্ত মল্লক টিকট প্ৰদান কৰে। দ্বিতীয় পৰ্যায়ত ভোটগ্ৰহণ অনুষ্ঠিত হব নলবাৰী সমষ্টিত। ১ এপ্ৰিলত ভোটাধিকাৰ সাব্যস্ত কৰিব সমষ্টিটোৰ ভোটাৰে।
My best wishes to Sri @jayanta_malla who is @BJP4Assam candidate for #Nalbari constituency.
Joined him for his nominations today along with BJP National Gen Secy Sri @DilipSaikia4Bjp, Min Sri @cmpatowary, MP Sri @BiswajitDaimar5 and MLAs.
I wish him a glorious victory ? pic.twitter.com/cZHtY2Jd8q
— Himanta Biswa Sarma (@himantabiswa) March 10, 2021