নিয়মীয়া বাৰ্তা, ২৮ ডিচেম্বৰঃ লখিমপুৰ আৰক্ষীৰ বৃহৎ সফলতা। আৰক্ষীয়ে জব্দ কৰে এটা নকল টকা ছপা কৰা মেছিনসহ ১৮ হাজাৰ টকা।
জানিব পৰা মতে লখিমপুৰৰ ফুকনদলনি আৰু দোলাহাটত পৃথকে পৃথকে আৰক্ষীয়ে অভিযান চলাই আইনুল হক আৰু ৰছিদুল ইছলাম নামৰ দুজন যুবকক আটক কৰিবলৈ সক্ষম হয় আৰু যুবকদ্বয়ৰ পৰা জব্দ কৰে ১৮ হাজাৰ নকল টকা। আনহাতে আহমেদপুৰতো আৰক্ষীয়ে অভিযান চলাই নকল টকৰ বাণ্ডিল জব্দ কৰে। ঘটনাত জড়িত মমতাজুল নামৰ আন এজন যুৱকৰ পৰা ২৮ হাজাৰ টকাসহ এটা নকল টকা ছপা কৰা মেছিন জব্দ কৰে আৰক্ষীয়ে। দীৰ্ঘদিনে তিনিওজন যুবকে এই বেহা চলাই অহাৰ অভিযোগ।