নিয়মীয়া বাৰ্তা ৬ এপ্ৰিলঃ আইপিএল (IPL 2021) আৰম্ভ হোৱাৰ পূৰ্বেই নতুন ইনিংছ আৰম্ভ কৰিলে এমএছ ধোনীয়ে! ভাৰতৰ প্ৰাক্তন কিংবদন্তীগৰাকীৰ আইকনিক হেলিকপ্টাৰ শ্বটে দেশৰ নতুন খাদ্য আৰু পনীয় ষ্টাৰ্ট-আপ কোম্পানীক অনুপ্ৰাণিত কৰিছে। মুম্বাইৰ সাতটা আইএনকে ব্ৰু ((7InkBrews) বজাৰলৈ আনিছে প্ৰকৃত নতুন চকলেট আৰু পানীয়ৰ বিভিন্ন সম্ভাৰ।
ধোনীৰ ৭ নম্বৰ জাৰ্চি আৰু হেলিকপ্টাৰ শ্বটৰ বাবে চকলেটৰ নাম ৰখা হৈছে ‘কপ্টাৰ ছেভেন’ (Copter7)।
উল্লেখ্য যে ছেভেন আইএনকে ব্ৰুছৰ অন্যতম অংশীদাৰ হৈছে ধোনী।
তেওঁ কৈছে, “কোনো কোম্পানীৰ দৃষ্টিভংগিক মনেপ্ৰাণে বিশ্বাস কৰিলে, তাৰ সৈতে সংযোগ স্থাপন হোৱাটো অৰ্থপূৰ্ণ হয়। মই এই কোম্পানীৰ অংশীদাৰ আৰু ব্ৰেণ্ড এম্বেচেডৰ হ’বলৈ পাই সঁচাকৈয়ে সুখী।”
প্ৰথম অৱস্থাত, চেভেন আইএনকে ব্ৰুৱে মুম্বাই-পুনে, গোৱা আৰু বেংগালুৰুত উপলব্ধ হ’ব।