নিয়মীয়া বাৰ্তা, ৩০ এপ্ৰিল: গোলাঘাট জিলাত কভিড১৯ৰ দ্বিতীয়টো লহৰত আজি জিলাখনত ৫২ গৰাকী লোক কভিডত আক্ৰান্ত বুলি চিনাক্ত হয় । বৰ্তমান জিলাখনত আক্ৰান্তৰ সংখ্যা ৭৪৪ জনলৈ বৃদ্ধি পায় । জিলাখনত বৰ্তমান সক্ৰিয় কভিড ৰোগীৰ সংখ্যা ৪৯১ জনলৈ বৃদ্ধি পাইছে । ইয়াৰে ৩৯৮ জনৰ ঘৰতে আছুতীয়াকৈ থকাৰ বিপৰীতে ৯৩ জন লোক চিকিৎসালয়ত চিকিৎসাধীন হৈ আছে । চিকিৎসাধীন হৈ থকা লোক সকল বৰ্তমান ৬৬ জন গোলাঘাট কভিড হাস্পতালত, ২৭ জন ছহিদ কমলা মিৰি অসামৰিক চিকিৎসালয়ত চিকিৎসাধীন হৈ আছে । আজিৰ দিনটোতে ৩১ জন লোক সম্পূৰ্ণ সুস্থ হৈ উঠাত ঘৰলৈ যাবলৈ দিছে চিকিৎসকে ।