নিয়মীয়া বাৰ্তা, ২৪ মে’: বিৰাট কোহলী আৰু অনুষ্কা শৰ্মাৰ সম্পৰ্কক লৈ প্ৰায়ে বহু কথা চৰ্চালৈ আহে। কিন্তু এইবাৰ চৰ্চালৈ আহিছে এক বিশেষ কথা। কিং কোহলীৰ অনুষ্কা শৰ্মাৰ সৈতে প্ৰেমৰ পূৰ্বে কাৰ সৈতে প্ৰেমত পৰিছিল জানেনে? প্ৰায় ২ বছৰতকৈও দীঘলীয়া গভীৰ সম্পৰ্ক আছিল বিৰাটৰ।
পিছে কাৰ সৈতে প্ৰেম আছিল বিৰাটৰ? ব্ৰাজিলৰ মডেল তথা অভিনেত্ৰী ইছাবেলা লেতেৰ সৈতে প্ৰেম আছিল তেওঁৰ। ২০১২ চনৰ পৰা ২০১৪ চনলৈ আছিল তেওঁলোকৰ প্ৰেমৰ সম্পৰ্ক। ২০১৩ চনত সেই সম্পৰ্ক পোহৰলৈ আহিছিল। কিন্তু পাছত সেই প্ৰেমৰ সম্পৰ্ক নাথাকিল।
ব্ৰেক–আপৰ পিছত ইছাবেলাই এক সাক্ষাত্কাৰত তেওঁলোকৰ সম্পৰ্কৰ কথা স্বীকাৰ কৰি জনাইছিল, ‘‘হয়, আমাৰ দুবছৰ ধৰি প্ৰেমৰ সম্পৰ্ক আছিল। কিন্তু তাৰ পিছত নিজৰ মাজত আলোচনা কৰি আমি পৃথক হোৱাৰ সিদ্ধান্ত লৈছিলো।’’
উল্লেখ্য যে শেহতীয়াকৈ ভাৰতত ক’ৰোনাৰ ভয়াৱহতাৰ বিৰুদ্ধে যুঁজ দিয়াৰ বাবে সহায়ৰ হাত আগবঢ়াইছে ভাৰতীয় ক্রিকেট দলটোৰ অধিনায়ক বিৰাট কোহলি আৰু তেওঁৰ অভিনেত্রী পত্নী অনুষ্কা শর্মাই৷ ক’ভিডৰ লগত যুঁজি থকা লোকসকলক সহায় কৰাৰ বাবে বিৰুষ্কাই এক পুঁজি সংগ্রহ আঁচনিলৈ দুই কোটি টকা দান কৰিছে৷