নিয়মীয়া বাৰ্তা, ২০ জুনঃ প্রখ্যাত কথাশিল্পী তথা ‘নিয়মীয়া বার্তা’ৰ প্রাক্তন মুখ্য সম্পাদক হোমেন বৰগোহাঞিৰ জীৱনকালত গুৱাহাটী দূৰদর্শন কেন্দ্রই গ্রহণ কৰা অন্তিমটো সাক্ষাৎকাৰ আজি পুনৰ সম্প্রচাৰ কৰা হ’ব৷
আজি দুপৰীয়া এক বজাত গুৱাহাটী দূৰদর্শন কেন্দ্রযোগে পুনৰ সম্প্রচাৰ হ’বলগীয়া ‘প্রতিভাৰ আকৰ হোমেন বৰগোহাঞি’ শীর্ষক অনুষ্ঠানৰ আঁত ধৰিছে জ্যেষ্ঠ সাংবাদিক গীতিমালিকা নেওগে৷ অনুষ্ঠানটোৰ প্রযোজনা সবিতাৰাণী দেৱীৰ৷
উল্লেখ্য যে যোৱা ১২ মে’ত প্রতিথযশা সাহিত্যিকগৰাকীয়ে ক’ভিডোত্তৰ জটিলতাত শেষ নিশ্বাস ত্যাগ কৰিছিল৷