নিয়মীয়া বাৰ্তা, ২৩ জুন: ৰাজ্য চৰকাৰৰ কৃষি, পশুধন, পশু চিকিৎসা, নগৰ উন্নয়ন আদি বিভাগৰ মন্ত্ৰী অতুল বৰাই আজি যোৰহাট আবৰ্ত ভৱনত জিলা উপায়ুক্ত অশোক কুমাৰ বৰ্মনৰ উপস্থিতিত জিলা প্ৰশাসনৰ অন্যান্য বিষয়া আৰু বিভাগীয় বিষয়াসকলৰ লগত এখন আলোচনা সভাত মিলিত হয়৷ জিলাখনত ক’ভিড সংক্ৰমণ ৰোধৰ ক্ষেত্ৰত গ্ৰহণ কৰা ব্যৱস্থাৱলী, কৃষি, পশুপালন আদি বিভাগসমূহৰ কাম কাজ আদিৰ বুজ লেৱাৰ লগতে কৃষি বিশ্ববিদ্যালয়ৰ উপাচাৰ্য ড৹ অশোক ভটাচাৰ্যৰ সৈতেও বিশ্ববিদ্যালয়খনৰ আন্ত:গাঁথনিৰ উন্নয়ন, বিভিন্ন কাম-কাজ আৰু সমস্যাৱলীৰ সন্দৰ্ভত আলোচনা কৰে৷ আলোচনা সভাত স্বাস্থ্যমন্ত্ৰী কেশৱ মহন্তইও অংশগ্ৰহণ কৰাৰ লগতে দেৰগাওঁ সমষ্টিৰ বিধায়ক ভৱেন ভঁডালী আৰু সংশ্লিষ্ট বিভাগৰ মুৰব্বী বিষয়াসকল উপস্থিত থাকে।