নিয়মীয়া বাৰ্তা ১৪ আগষ্টঃ গুৱাহাটীৰ মাজেৰে বহিঃৰাজ্যলৈ অব্যাহত আছে বিলাতী সুৰাৰ চোৰাং সৰবৰাহ৷ মেঘালয়ৰ পৰা ট্রাকে ট্রাকে অবৈধ সুৰা এটা শক্তিশালী চক্রই মিজোৰামলৈ সৰবৰাহ কৰি থকাৰ ভয়াৱহ তথ্য পোহৰলৈ আহিছে৷ কালি এই চক্রটোৱে এ এছ–০১ এম চি–৯৫১৭ নম্বৰৰ ট্রাকেৰে অবৈধ বিলাতী সুৰা সৰবৰাহৰ চেষ্টা চলাওঁতে যোৰাবাটৰ নমাইলত ট্রাকখন জব্দ কৰিবলৈ সক্ষম হয়৷
ঘটনা সন্দর্ভত যোৰাবাট আৰক্ষীয়ে এটা গোচৰ ৰুজু কৰি ট্রাকখনৰ চালক ওকৰাম নানাও সিঙক গ্রেপ্তাৰ কৰি সোধা–পোছা অব্যাহত ৰাখিছে৷ আৰক্ষীয়ে ট্রাকখনৰ পৰা সর্বমুঠ ২০৯ কার্টন অবৈধ বিলাতী সুৰা জব্দ কৰে৷ জব্দকৃত সুৰাখিনিৰ বজাৰ মূল্য কেইবালক্ষ টকা হ’ব বুলি আৰক্ষীয়ে জানিবলৈ দিছে৷