নিয়মীয়া বাৰ্তা ২১ আগষ্টঃ অসমৰ প্রাক্তন মুখ্যমন্ত্রী আৰু বর্তমানৰ কেন্দ্রীয় মন্ত্রী সর্বানন্দ সোণোৱাল আজি অসমত আহি উপস্থিত হৈছে৷ কেন্দ্রীয় মন্ত্রী সোণোৱাল পুৱা নতুন দিল্লীৰ পৰা আহি বৰঝাৰস্থিত লোকপ্রিয় গোপীনাথ বৰদলৈ আন্তর্জাতিক বিমানবন্দৰত উপস্থিত হোৱাৰ পিছতেই আঁদৰণি জনালে মুখ্যমন্ত্ৰী ড০ হিমন্ত বিশ্ব শৰ্মাই।
বিমানবন্দৰতে তেওঁক আদৰি সম্বর্ধনা জনোৱাৰ বাবে এখন মঞ্চ নির্মাণ কৰা হৈছে৷ সমান্তৰালভাৱে বিমানবন্দৰৰ পৰা সমগ্র পথছোৱাৰ দুয়োফালে বিজেপিৰ দলীয় পতাকা আৰু সর্বানন্দ সোণোৱালৰ ফটোসম্বলিত কেবাটাও কাট আউট স্থাপন কৰা হৈছে৷
জানিব পৰা মতে কেইবাজনো মন্ত্রী, বিজেপিৰ ৰাজ্যিক সভাপতি ভৱেশ কলিতাকে ধৰি কেইবাজনো দলীয় নেতাই বিমানবন্দৰত কেন্দ্রীয় মন্ত্রী সোণোৱালক আদৰণি জনাইছে৷ ইফালে কেন্দ্রীয় মন্ত্রীৰ দায়িত্বভাৰ গ্রহণৰ পিছত প্রথমবাৰৰ বাবে অসমলৈ আহিবলগীয়া সর্বানন্দ সোণোৱালৰ নিৰাপত্তা ব্যৱস্থাত যাতে খুঁত নাথাকে তাৰ বাবে মহানগৰ আৰক্ষীয়ে ব্যাপক ব্যৱস্থা গ্রহণ কৰিছে৷