নিয়মীয়া বাৰ্তা ২০ ছেপ্টেম্বৰঃ টৰণ্টো আন্তর্জাতিক চলচ্চিত্র মহোৎসৱত ভাৰতীয় মহিলা চলচ্চিত্রকাৰ পায়েল কাপাডিয়াৰ তথ্যচিত্র ‘এ নাইট অৱ নয়িং নাথিং’–এ লাভ কৰিবলৈ সক্ষম হৈছে এমপ্লিফাই ভইচ বঁটা৷ ৪৩সংখ্যক টৰণ্টো চলচ্চিত্র মহোৎসৱত পায়েলৰ উপৰি অন্য দুগৰাকী চলচ্চিত্রকাৰে এই বঁটা লাভ কৰিছে৷
উল্লেখনীয় যে পৰিচালিকা হিচাপে পায়েলৰ এই তথ্যচিত্রখন হৈছে প্রথম৷ মুম্বাইত মহিলা চলচ্চিত্রকাৰ পায়েল কাপাডিয়াই প্রথমখন তথ্যচিত্রৰ জৰিয়তে এই বঁটা লাভ কৰিবলৈ সক্ষম হোৱাৰ পিছতেই বলীউডৰ বহু কলা–কুশলীয়ে পৰিচালিকাগৰাকীক শুভেচ্ছা জ্ঞাপন কৰিছে৷
উল্লেখনীয় যে ব্যক্তিগত আৰু ৰাজনৈতিক ক্ষেত্রত এক ভাৰসাম্য ৰক্ষা কৰি পায়েল কাপাডিয়াই এই তথ্যচিত্রখন নিখুঁতভাৱে নির্মাণ কৰি উলিয়াবলৈ সক্ষম হোৱা বুলি টৰণ্টো ছবি মহোৎসৱৰ আয়োজকে ঘোষণা কৰিছে৷