নিয়মীয়া বাৰ্তা, ১১ অক্টোবৰঃ লেকমি ফেশ্বন উইকত অসমীয়া ফেশ্বন ডিজাইনাৰ সংযুক্তা দত্তৰ মেখেলা–চাদৰ পৰিধান কৰি ৰেম্পত খোজ দিলে বলীউডৰ জনপ্রিয় অভিনেত্রী–পৰিচালিকা দিব্যা খোচলা কুমাৰে৷ মুম্বাইৰ জি’গার্ডেনত আজি অনুষ্ঠিত এফ ডি চি আই ১০ লেকমি ফেশ্বন উইকত ডিজাইনাৰ দত্তৰ ‘চিকিমিকি’ নামেৰে প্রস্তুত কৰা বিশেষ মেখেলা–চাদৰ পৰিধান কৰি অভিনেত্রীগৰাকীয়ে সকলোকে আকর্ষিত কৰে৷ ক’লা আৰু নীলা ৰঙত খোদিত এই মেখেলা–চাদৰে লেকমি ফেশ্বন উইকত বিশেষ সমাদৰ লাভ কৰিবলৈ সক্ষম হয়৷