নিয়মীয়া বাৰ্তা, ৩০ অক্টোবৰঃ ছয়গাঁও গৰৈমাৰীত আৰক্ষীৰ বৃহৎ সফলতা ৷ অবৈধ গাঞ্জা ব্যৱসায়ীৰ বিৰুদ্ধে ছয়গাঁও আৰক্ষী অভিযান ৷ অভিযানত বৃহৎ পৰিমানৰ গাঁঞ্জাসহ আটক হৈছে দুজনকৈ গাঞ্জা ব্যৱসায়ী ৷
ধৃত গাঞ্জা ব্যৱসায়ী দুজন জোৰশিমুলী গাঁৱৰ ছাইদুল ইছলাম আৰু ভলুকাবাৰী গাঁৱৰ স্বাহানুল হক ৷ জোৰশিমুলী আৰু ছয়গাঁও আৰক্ষীৰ যৌথ অভিযানত জব্দ হৈছে গাঞ্জাখিনি ৷
ছয়গাঁও আৰক্ষী থানাৰ ভাৰপ্ৰাপ্ত আৰক্ষী বিষয়া কপিল পাঠক আৰু জোৰশিমুলী আৰক্ষী চকীৰ ভাৰপ্ৰাপ্ত আৰক্ষী বিষয়া নৱজিৎ ডেকাৰ নেতৃত্বত জোৰশিমুলী গাঁৱৰ গাঞ্জা ব্যৱসায়ী ছাইদুল ইছলামৰ ঘৰত চলিছিল এই অভিযান।
অভিযানত জব্দ হোৱা ২০ কেজি ৬০০ গ্ৰাম ওজনৰ গাঞ্জাখিনিৰ বজাৰমুল্য ২ লক্ষাধিক টকা বুলি অনুমান কৰা হৈছে ৷
ইফালে ধৃত গাঞ্জা ব্যৱসায়ী দুজনক ছয়গাঁও আৰক্ষী থানালৈ নি আৰক্ষীয়ে জেৰা আব্যাহত ৰাখিছে৷