নিয়মীয়া বাৰ্তা, ১৫ নৱেম্বৰঃ বঙাইগাঁও আইভেলী বন সংমণ্ডলৰ অভয়াপুৰী আঞ্চলিক বন বিষয়া কাৰ্যালয়ৰ অন্তৰ্গত যোগীঘোপাত আজি পুৱা বন বিভাগে অভিযান চলাই এটা অবৈধ কাঠফলা কল উৎখাত কৰে ৷ জানিব পৰা মতে,এক গোপন সুত্ৰৰ ভিত্তিত বোৱালীমাৰী উপ বন খণ্ড বিষয়া দেবীচৰন দাসৰ নেতৃত্বত বনকৰ্মীয়ে আজি পুৱা যোগীঘোপাৰ বালাপাৰাৰ নিকটৱৰ্ত্তী দলনীবিলত অবৈধ কাঠফলা কলৰ বিৰুদ্ধে অভিযান চলায় । বন বিভাগে দলনি বিলৰ মাজত থকা টিলাত অভিযান চলাই দীৰ্ঘদিনৰ পৰা অবৈধ ভাবে চলি থকা এটা কাঠফলা কল উৎখাত কৰে । বন বিভাগে অবৈধ কাঠফলা কলটো উৎখাত কৰি কলটোৰ বিভিন্ন যন্ত্ৰপাতিৰ লগতে গমাৰি কাঠৰ কুণ্ডা জব্দ কৰি অভয়াপুৰী আঞ্চলিক বন বিষয়া কাৰ্যালয়লৈ নিয়ে ।
input: টিংকু চন্দ্ৰ দাস, যোগীঘোপা