ৰণবীৰ সিঙৰ চলচ্চিত্ৰ Dhurandhar: The Revenge মুক্তি পোৱাৰ পিছৰে পৰা বক্স অফিচত ধুমুহা আহিছে। চলচ্চিত্ৰখনৰ জোৰদাৰ আৰম্ভণি হৈছিল আৰু এতিয়া ইয়াৰ আৰম্ভণি সপ্তাহো যথেষ্ট শক্তিশালী হৈছে। মুক্তিৰ মাথোঁ চাৰি দিনতেই এই ছবিখনে ভাৰতত ৫০০ কোটি ক্লাবত প্ৰৱেশ কৰিবলৈ একেবাৰে ওচৰ পাই গৈছে। ছবিখনৰ বুলেটতকৈও বেছি বেগ দেখি স্পষ্ট হৈছে যে ই এতিয়া সহজে থমকি নাথাকে। ইয়াৰ সৈতে ছবিখন এতিয়া উইকডে’ত প্ৰৱেশ কৰিছে।
‘ধুৰন্ধৰ: দ্য ৰিভেঞ্জ’-এ বক্স অফিচত ইমান উৎকৃষ্ট প্ৰদৰ্শন কৰিছে যে মুক্তিৰ মাথোঁ চাৰি দিনতেই ই কেৱল অভূতপূৰ্ব উপাৰ্জন কৰি ইতিহাস গঢ়াই নহয়, বহুতো ৰেকৰ্ডো নিজৰ নামত অন্তৰ্ভুক্ত কৰিছে।
ৰণবীৰ সিঙৰ Dhurandhar: The Revenge পেইড প্ৰিভিউৰ পৰা ৪৩ কোটি আৰু প্ৰথম দিনত ১০২.৫৫ কোটি টকাৰ সংগ্ৰহ কৰিছিল। তাৰ পিছত এই স্পাই-একচন থ্ৰিলাৰ ছবিখনে মুক্তিৰ দ্বিতীয় দিনত ৮০.৭২ কোটি টকা উপাৰ্জন কৰে। তৃতীয় দিনত ছবিখনৰ আয় ১১৩ কোটি টকা হৈছিল।
আনহাতে, এক ৰিপ’ৰ্ট অনুসাৰে, ‘ধুৰন্ধৰ ২’ই মুক্তিৰ চতুৰ্থ দিন অৰ্থাৎ দেওবাৰে ১১৪.৮৫ কোটি টকা সংগ্ৰহ কৰিছে। ইয়াৰ ভিতৰত সৰ্বাধিক আয় হৈছে হিন্দী সংস্কৰণত—১০৭ কোটি টকা। তাৰ পিছত তেলুগু সংস্কৰণত ৫.২৫ কোটি, আৰু তামিলত ২.৫০ কোটি টকা সংগ্ৰহ হৈছে। মালয়ালম সংস্কৰণত ছবিখনৰ আয় ০.০৯ কোটি আৰু কানাড়া সংস্কৰণত ০.০১ কোটি টকা হৈছে।
এইদৰে, ভাৰতত ছবিখনৰ চাৰি দিনৰ মুঠ নেট সংগ্ৰহ ৪৫৪.১২ কোটি টকা পাইছেগৈ।
ডিজিটেল ডেস্ক, ২৩ মাৰ্চ