নিয়মীয়া বাৰ্তা, ২৬ মাৰ্চঃ দেশৰ প্ৰধানমন্ত্ৰী নৰেন্দ্ৰ মোডীয়ে ২১ দিনৰ বাবে দেশত লকডাউন ঘোষণা কৰাৰ পাচত বৃহস্পতিবাৰে ৰাজ্যৰ প্ৰান্তে প্ৰান্তে দেখা গ’ল জনসমাগমৰ অসংখ্য ছবি । যি সময়ত দেশৰ জনতাক নিজ নিজ ঘৰৰ ভিতৰতে নিৰাপদে অৱস্থান কৰিবলৈ আহ্বান জনাইছে তেনে সময়তে নগাঁৱৰ ৰূপহীহাটত বহিছে সাপ্তাহিক বজাৰ ।
অসম চৰকাৰৰ বিত্ত, স্বাস্থ্য, শিক্ষা আৰু গড়কাপ্টানী মন্ত্ৰী ড০ হিমন্ত বিশ্ব শৰ্মাই লকডাউন উলংঘাকাৰী এইসকলৰ বিৰুদ্ধে কঠোৰ হ’বলৈ নিৰ্দেশ দিলে উপায়ুক্ত আৰু আৰক্ষী অধীক্ষক সকলক । আজি দিনটোত অহা কেতবোৰ দৃশ্যই বাৰুকৈয়ে চিন্তিত কৰি তুলিছে মন্ত্ৰীগৰাকীক । মন্ত্ৰীগৰাকীয়ে কয় যে, এজন অথবা দুজন লোক বজাৰ কৰিবলৈ যোৱাটো বেলেগ কথা কিন্তু জুৰীয়াত এখন সাপ্তাহিক বজাৰ বহা বিষয়টো অত্যন্ত চিন্তনীয় ।