নিয়মীয়া বাৰ্তা ৩০ জুলাইঃ বন বিভাগৰ একাংশ অসাধু বিষয়া–কর্মচাৰীক মেনেজ কৰি ভূ–মাফিয়াই আমচাং অভয়াৰণ্যৰ ভূমি বেদখল কৰাৰ গুৰুতৰ অভিযোগ উত্থাপন হৈ আহিছে৷ এই অভিযোগৰ সত্যতা প্রমাণিত কৰি ভূ–মাফিয়াই এসপ্তাহ পূর্বে আৰক্ষী–প্রশাসনৰ সহযোগত বন বিভাগে উচ্ছেদ কৰা ভূমি বেদখল কৰি নিশাটোৰ ভিতৰতে তর্জা বেৰৰ ঘৰ সাজি উলিওৱা ঘটনাক লৈ তীব্র প্রতিক্রিয়াৰ সৃষ্টি হৈছে৷
অভিযোগ অনুসৰি ভূ–মাফিয়া বিমান দেৱ আৰু অশোক শইকীয়াই এসপ্তাহ পূর্বে উচ্ছেদ চলোৱা আমচাং অভয়াৰণ্যৰ ভূমি বেদখল কৰি তর্জাবেৰৰ ঘৰ নির্মাণ কৰি ৰাজ বড়ো নামৰ এজন লোকক কেয়াৰটেকাৰ হিচাপে নিয়োজিত কৰিছে৷ এসপ্তাহ পূর্বে উচ্ছেদ চলোৱা ভূমিত কাৰ আশীর্বাদত ভূ–মাফিয়াই তর্জাবেৰৰ ঘৰ নির্মাণ কৰিলে, তাক লৈ ব্যাপক চর্চা চলিছে৷ বন বিভাগৰ একাংশ অসাধু বিষয়া–কর্মচাৰীৰ পৃষ্ঠপোষকতাতে ভূ–মাফিয়া বিমান আৰু অশোকে তর্জাবেৰৰ ঘৰ নির্মাণ কৰা বুলি অভিযোগ উত্থাপন হৈছে৷