মেছিক এবাৰ দৰ্শনৰ বাবে হাজাৰ হাজাৰ টকা ব্যয়, কিন্তু ভাগ্য সুপ্ৰসন্ন শ্বাহৰুখ খানৰ

লিঅ’নেল মেছি GOAT ইণ্ডিয়া টুৰ ২০২৫ৰ অধীনত কলকাতাত উপস্থিত হয়। তেওঁৰ সৈতে আৰ্জেণ্টিনাৰ খেলুৱৈ ৰড্ৰিগো ডি পল আৰু লুইছ ছুৱাৰেজো উপস্থিত আছিল। তেওঁক চাবলৈ  বিমানবন্দৰত বিপুল ভিৰ দেখা গৈছিল। যি পথেৰে তেওঁৰ কনভয় আগবাঢ়িছিল, সেই ঠাইখনো অনুৰাগীৰে ভৰি আছিল। শনিবাৰে তেওঁ কলকাতাৰ ছল্ট লেক ষ্টেডিয়ামত উপস্থিত হৈছিল, কিন্তু হাজাৰ হাজাৰ টিকট লৈ অহা অনুৰাগীয়ে তেওঁৰ এটা পলো চাব নাপালে। ইফালে ইয়াৰ আগতে বলীউড অভিনেতা শ্বাহৰুখ খানে নিজৰ পুত্ৰৰ সৈতে মেছিৰ সৈতে বিশেষ সাক্ষাৎ কৰিছিল।

ছল্ট লেক ষ্টেডিয়ামৰ বহু ভিডিঅ’ ভাইৰেল হৈছে, য’ত অনুৰাগীয়ে খঙত চকী, বটল আদি সামগ্ৰী মাটিত নিক্ষেপ কৰা দেখা গৈছে। অনুৰাগীয়ে অভিযোগ কৰে যে তেওঁলোকে মেছিক চাবলৈ ১০ হাজাৰ টকাৰো অধিক মূল্যৰ টিকট ক্ৰয় কৰিছিল, কিন্তু যেতিয়া তেওঁ আহিছিল তেতিয়া কিছুমান লোকে তেওঁক ঘেৰাও কৰি ৰাখিছিল। ইয়াৰ বাবে অনুৰাগীয়ে মেছিক ভালদৰে চাব নাপালে। তদুপৰি তেওঁ মাত্ৰ প্ৰায় ১০ মিনিটহে থাকি পুনৰ উভতি গৈছিল। আনফালে শ্বাহৰুখ খানে মেছিৰ সৈতে সাক্ষাৎ কৰে।

বলীউডৰ কিং শ্বাহৰুখ খানৰ দুয়ো পুত্ৰই লিঅ’নেল মেছিৰ ডাঙৰ অনুৰাগী। মেছিৰ সৈতে সাক্ষাতক লৈ শ্বাহৰুখৰ সৰু পুত্ৰ আব্ৰাম যথেষ্ট উৎসুক দেখা গৈছিল। সাক্ষাৎ হোৱাৰ লগে লগে তেওঁৰ মুখত আনন্দ স্পষ্টভাৱে দেখা গৈছিল। শ্বাহৰুখে মেছিৰ সৈতে কিছু সময় কথা পাতিছিল, আৰু এই সময়ছোৱাত মেছি কোনো কথাত হাঁহি থকা দেখা গৈছিল।

সাক্ষাতৰ পাছত শ্বাহৰুখ খানে লিঅ’নেল মেছিৰ সৈতে ফটো উঠে। তেওঁৰ পুত্ৰ আব্ৰাম খানেও মেছিৰ সৈতে ফটো উঠায়। শ্বাহৰুখ আৰু মেছিৰ এই সাক্ষাতৰ ভিডিঅ’ ছ’চিয়েল মিডিয়াত ভাইৰেল হৈ পৰিছে।

ডিজিটেল ডেস্ক, ১৩ ডিচেম্বৰ