বিশ্ব ৰাজনীতিত নতুন অধ্যায় : পেলেষ্টাইনক স্বীকৃতি ফ্ৰান্সৰ!

পেলেষ্টাইনক স্বীকৃতি : ফ্ৰান্সৰ ৰাষ্ট্ৰপতি ইমানুৱেল মেক্ৰনে ঘোষণা কৰে যে মধ্য-প্ৰাচ্যত এক ন্যায়সংগত আৰু স্থায়ী শান্তিৰ বাবে ফ্ৰান্সৰ ঐতিহাসিক প্ৰতিশ্ৰুতিৰ অংশ হিচাপে পেলেষ্টাইনক এখন স্বতন্ত্ৰ ৰাজ্য হিচাপে স্বীকৃতি দিয়াৰ সিদ্ধান্ত লৈছে।

X (পূৰ্বৰ টুইটাৰ) প্লেটফৰ্মত এই ঘোষণা কৰিছে তেওঁ। তেওঁ কয় যে এই সিদ্ধান্তৰ বিষয়ে তেওঁ ছেপ্টেম্বৰ মাহত নিউয়ৰ্কত অনুষ্ঠিতব্য ৰাষ্ট্ৰসংঘৰ সাধাৰণ সভাত আনুষ্ঠানিক ঘোষণা কৰিব।

মেক্ৰনে কয়, “আজিকালি আটাইতকৈ গুৰুত্বপূৰ্ণ বিষয় হৈছে গাজাৰ যুদ্ধ বন্ধ হওক আৰু অসামৰিক জনসাধাৰণক সহায় কৰা হওক।” ইজৰাইলৰ গাজাত চলি থকা সামৰিক অভিযান আৰু অন্যান্য সমস্যা সন্দৰ্ভত বিশ্বজুৰি তীব্ৰ ক্ষোভৰ মাজতে এই মন্তব্য কৰিছে মেক্ৰনে।

এই সিদ্ধান্তৰ লগে লগে ফ্ৰান্স G7ৰ (যুক্তৰাষ্ট্ৰ, ব্ৰিটেইন, কানাডা, জাৰ্মানী, জাপান, ইটালী) সদস্যৰ ভিতৰত পেলেষ্টাইনক স্বীকৃতি দিয়া প্ৰথম দেশ হ’ব। এই পদক্ষেপে ইজৰাইলৰ প্রতি দৃঢ় সমৰ্থন কৰা আৰু গাজাৰ যুদ্ধ অন্তৰ্ভুক্ত নোহোৱা ৰাষ্ট্ৰপতি ড’নাল্ড ট্রাম্পৰ চৰকাৰক ক্ষিপ্ত কৰিব পাৰে।

ইজৰাইৰ প্ৰধানমন্ত্ৰী বেঞ্জামিন নেতান্যাহুৱে এই সিদ্ধান্তক কঠোৰভাবে নিন্দা কৰি কয়, “৭ অক্টোবৰ, ২০২৩ ৰ হত্যাকাণ্ডৰ পাছত পেলেষ্টাইনক স্বীকৃতি দিয়া সিদ্ধান্তক আমি দৃঢ়ভাৱে নিন্দা কৰোঁ। এই সিদ্ধান্ত ইজৰাইল ধ্বংসৰ বাবে লঞ্চপেড হ’ব পাৰে।”

Fidèle à son engagement historique pour une paix juste et durable au Proche-Orient, j’ai décidé que la France reconnaîtra l’État de Palestine.

J’en ferai l’annonce solennelle à l’Assemblée générale des Nations unies, au mois de septembre prochain.… pic.twitter.com/7yQLkqoFWC

— Emmanuel Macron (@EmmanuelMacron) July 24, 2025

ইজৰাইলৰ ভাষ্য অনুসৰি, এই স্বীকৃতিয়ে হামাছৰ সন্ত্রাসবাদক সন্মান জনায় আৰু মেক্ৰনক ইহুদি ৰাষ্ট্ৰৰ বিৰুদ্ধে ‘এক উগ্র অভিযান’ চলোৱা বুলি অভিযুক্ত কৰে। দুই ৰাষ্ট্ৰৰ সম্পৰ্ক ইতিমধ্যে বৈৰী হৈ পৰিছে আৰু এতিয়া আৰু অধিক অৱনতি ঘটাৰ সম্ভাৱনা আছে।

এই ঘোষণাৰ দিনতে আমেৰিকা আৰু ইজৰাইলে কাটাৰত চলি থকা গাজাৰ যুদ্ধবিৰতি আলোচনা পৰিত্যাগ কৰে আৰু হামাছক ‘অসৎ অভিপ্ৰায়’ থকা বুলি অভিযুক্ত কৰে।

আমেৰিকাৰ বিদেশ মন্ত্ৰী মাৰ্কো ৰুবিঅ’য়ে X-ত লিখে, “আমেৰিকাই মেক্ৰনৰ এই পৰিকল্পনাৰ কাঢা়ভাৱে বিৰোধিতা কৰিছে। এই দায়িত্বজ্ঞানহীন সিদ্ধান্তই কেৱল হামাছৰ প্ৰচাৰযন্ত্ৰক সহায় কৰে।”

পেলেষ্টাইনৰ ফ্ৰান্সত থকা ৰাষ্ট্ৰদূতে এই সিদ্ধান্তৰ স্বাগতম জনাই কয়, “এই সিদ্ধান্ত ফ্ৰান্সৰ ইতিহাস, নীতি আৰু আন্তঃৰাষ্ট্ৰীয় আইনৰ প্ৰতি প্ৰতিশ্ৰুতিৰ পৰিচয়।” তেওঁ কয়, “ইজৰাইল আৰু আমেৰিকাৰ বাবে এইটো এটা স্পষ্ট বাৰ্তা — মাটিৰ ওপৰত স্থাপিত তথ্যই দুই ৰাষ্ট্ৰ সমাধানক অসম্ভৱ কৰি তুলিব নোৱাৰি।”

ইউৰোপৰ অন্য কেইখনমান ৰাষ্ট্ৰ — স্পেইন, আয়াৰলেণ্ড, নৰৱে — ইতিমধ্যে ২০২৩ চনত পেলেষ্টাইনক স্বীকৃতি দিছিল, কিন্তু ফ্ৰান্সৰ সিদ্ধান্ত অধিক গুৰুত্বপূর্ণ। ফ্ৰান্স হৈছে পশ্চিম ইউৰোপৰ আটাইতকৈ ডাঙৰ ইহুদি আৰু মুছলিম জনসংখ্যা থকা দেশ, লগতে ইউৰোপীয় সংঘৰ একমাত্ৰ স্থায়ী UNSC সদস্য আৰু নিউক্লীয় শক্তিধৰ দেশ।

মেক্ৰন নেতান্যাহুৰ যুদ্ধ অব্যাহত ৰখাৰ সিদ্ধান্তত ৰুষ্ট। গাজা অঞ্চল মাটিৰ সৈতে সমান হৈ যোৱাৰ পাছতো পুনৰ গঠন, নিৰাপত্তা আৰু ৰাজনৈতিক পৰিকল্পনা অবিহনে যুদ্ধ চলাই যোৱা ফ্ৰান্সৰ লগতে অন্যান্য বিশ্ব নেতাসকলৰ ক্ষোভৰ কাৰণ।

তেওঁ কয়, “বিশ্বাস, স্পষ্টতা আৰু প্ৰতিশ্ৰুতি — আমি শান্তিৰ জয় কৰিব।” যদিও বৰ্তমান সময়ত শান্তিৰ কোনো পৰিস্থিতি নাই, তেওঁৰ কথাবোৰে এটা আশা প্ৰকাশ কৰে।

বৰ্তমান ইজৰাইল অধিকৃত পশ্চিম কাঁঠাত ৫ লক্ষৰো অধিক ইজৰাইলী লোকে বসতি স্থাপন কৰিছে। এই বসতি বৃদ্ধি পালে সম্ভাব্য পেলেষ্টাইন ৰাজ্যৰ ভিত্তি খতি হ’ব।

ট্ৰাম্পে নেতান্যাহুক যুদ্ধ বন্ধ কৰিবলৈ কোনো চাপ নিদিয়াৰ লগতে ইউক্ৰেইন, টাৰিফ আৰু ব্যক্তিগত মন্তব্যলৈ মেক্ৰনৰ সৈতে সম্বন্ধ বেয়া হৈ পৰিছে। এনে সময়তে মেক্ৰনে আমেৰিকাৰ পৰা আঁতৰি ইউৰোপৰ এটা স্বতন্ত্র দৃষ্টিভংগী আগবঢ়াবলৈ সিদ্ধান্ত লৈছে।

G7ৰ অন্য দেশবোৰে ফ্ৰান্সৰ পদক্ষেপ অনুসৰণ কৰিব জানো সেইটো এতিয়ালৈও স্পষ্ট নহয়। লগতে ফ্ৰান্সে কোন অঞ্চলক পেলেষ্টাইন ৰাজ্য হিচাপে স্বীকৃতি দিব সেয়াও সন্দিহান।

Carnegie Endowmentৰ গৱেষক আৰন ডেভিদ মিলাৰে কয়, “এইটো এটা শক্তিশালী প্ৰতীক, কিন্তু পেলেষ্টিনীয় লোকসকলৰ বাস্তৱিক পৰিস্থিতিৰ কোনো সলনি অনা নাই।”

মেক্ৰনে পেলেষ্টাইন চৰকাৰৰ ৰাষ্ট্ৰপতি মাহমুদ আব্বাসলৈ লিখা এখন পত্ৰত কয়, “একমাত্ৰ যুক্তিসংগত সমাধানটো হৈছে যি পেলেষ্টিনীয় লোকসকলৰ বৈধ আশা পূৰণ কৰিব, সন্ত্রাস আৰু হিংসাক শেষ কৰিব, আৰু ইজৰাইলৰ লগতে অঞ্চলৰ সকলো দেশক শান্তি আৰু নিৰাপত্তাত বাস কৰিবলৈ দিব।”