মার্কিন ৰাষ্ট্রপতি ড’নাল্ড ট্রাম্পে প্রয়াত মার্কিন ধনকুবেৰলৈ লিখা যৌনগন্ধী চিঠি আৰু চিঠিখনত অংকিত নগ্ন নাৰীৰ ছবিক লৈ তোলপাৰ হোৱাইট হাউছ৷ প্রয়াত মার্কিন ধনকুবেৰ জেফ্রী এপষ্টেইনক লৈ পুনৰ বিতর্কৰ সময়তে হোৱাইট হাউছৰ অভাৰছাইট কমিটীৰ ডেম’ক্রেটে প্রকাশ কৰিছে ধনকুবেৰলৈ লিখা যৌনগন্ধী চিঠি৷ য’ত মার্কিন ৰাষ্ট্রপতি ড’নাল্ড ট্রাম্পৰ স্বাক্ষৰ আছে৷
ইয়াৰ পূর্বেও এই চিঠিক লৈ বিতর্ক হৈছিল আৰু ট্রাম্পে অস্বীকাৰ কৰি চিঠিখন প্রকাশ কৰা দ্য ৱাল ষ্ট্রীট জার্নেলৰ বিৰুদ্ধে ১০ বিলিয়ন মার্কিন ডলাৰৰ ক্ষতিপূৰণ গোচৰ ৰুজু কৰিছিল ট্রাম্পে৷ ইয়াৰ পাছতো পুনৰ ট্রাম্পৰ এই চিঠিখনক লৈ হোৱাইট হাউছত তোলপাৰ লাগিছে৷
২০০৩ চনত এপষ্টেইনৰ ৫০সংখ্যক জন্মদিনত বহুতেই শুভেচ্ছা বার্তা দিছিল৷ তাৰ মাজত ড’নাল্ড ট্রাম্পো আছে৷ ট্রাম্পে যিখন চিঠি পঠিয়াইছে তাত এগৰাকী নগ্ন নাৰীৰ ছবি অঁকা আছিল৷
লক্ষণীয় যে ড’নাল্ড ট্রাম্পৰ বিৰুদ্ধে অনেক মহিলাৰ সৈতে যৌন সম্পর্ক স্থাপনৰ লগতে যৌন নির্যাতনৰ অভিযোগো আছে৷ পর্ণষ্টাৰক ধন আদায় দি মুখ বন্ধ কৰিব খোজা অভিযোগো আছে ট্রাম্পৰ বিৰুদ্ধে৷
এনে অভিযোগত জড়িত ট্রাম্পৰ যৌনগন্ধী চিঠিক লে হোৱাইট হাউছ তোলপাৰ লাগিলেও পাছলৈ ই শিথিল হৈ পৰিব৷
Niyomiya Barta Desk, 10 September