নিয়মীয়া বাৰ্তা, ২৯ নৱেম্বৰঃ ওড়িশাৰ দুর্নীতিগ্রস্ত বন বিষয়া অভয়কান্ত পাঠকৰ পাহাৰসম দুর্নীতিৰ তদন্ত কৰিবলৈ ভিজিলেঞ্চ বিভাগে এখন ২০জনীয়া সদস্যযুক্ত বিশেষ অনুসন্ধানকাৰী গোট (এছআইটি) গঠন কৰি দিছে৷ ভাৰতীয় বন সেৱাৰ বিষয়াগৰাকীৰ বিৰুদ্ধে উত্থাপিত বহু কোটিটকীয়া কেলেংকাৰিৰ অভিযোগৰ ভিত্তিত শুকুৰবাৰে তেওঁক পুত্র আকাশ পাঠকৰ সৈতে গ্রেপ্তাৰ কৰা হৈছিল৷ ১৯৮৭ বেটছৰ ভাৰতীয় বন সেৱাৰ বিষয়াগৰাকীক ইতিমধ্যে ৯ ডিচেম্বৰলৈ ন্যায়িক জিম্মালৈ প্রেৰণ কৰা হৈছে৷ ওড়িশা চৰকাৰে অভয়কান্ত পাঠকক চাকৰিৰ পৰাও নিলম্বিত কৰিছে৷
মন কৰিবলগীয়া যে লকডাউনৰ সময়ছোৱাত এইগৰাকী দুর্নীতিগ্রস্ত বন বিষয়াই চার্টাৰ বিমানেৰে ২০বাৰ বিদেশ ভ্রমণ কৰিছিল বুলি তদন্তত পোহৰলৈ আহিছে৷ ভিজিলেঞ্চ বিভাগৰ এক সূত্রই প্রকাশ কৰা অনুসৰি পাঠক ৯,৩৫,৪২,৫৯৪ টকাৰ বে–আইনী সম্পত্তিৰ গৰাকী৷