নিয়মীয়া বাৰ্তা ২৯ ছেপ্টেম্বৰঃ ক’ভিড–১৯ৰ বিৰুদ্ধে যুঁজ অব্যাহত থকাৰ সময়তে চীনৰ আন এক ভাইৰাছৰ দেশত ভয়াৱহ সংক্রমণৰ সম্ভাৱনা ব্যক্ত কৰিছে ইণ্ডিয়ান কাউন্সিল অৱ মেডিকেল ৰিছার্চে (আই চি এম আৰ)৷ আই চি এম আৰৰ বিজ্ঞানীয়ে প্রকাশ কৰাৰ লগে লগে চীনৰ ‘কেট কিউ ভাইৰাছ’, চমুকৈ চি কিউ ভি ভাইৰাছে দেশত ভয়াৱহ সংক্রমণ কৰিব পাৰে৷ এই ভাইৰাছবিধ গাহৰি আৰু বিশেষ প্রজাতিৰ ম’হৰ পৰা মানৱ দেহলৈ সংক্রমিত হয়৷ সম্প্রতি চীন আৰু ভিয়েটনামৰ এই ভাইৰাছবিধ সক্রিয় হৈ আছে৷ পুনেস্থিত আই চি এম আৰ, নেচনেল ইনষ্টিটিউট অৱ ভাইৰ’লজীৰ বিজ্ঞানীয়ে ৮৮৩জন লোকৰ ছিৰামৰ নমুনা পৰীক্ষণৰ পাছত দুজনৰ দেহত চি কিউ ভি ভাইৰাছ ধৰা পৰে৷ ইয়াৰ পাছতে আই চি এম আৰে দেশত এই ভাইৰাছৰ সংক্রমণ ভয়াৱহ হ’ব পাৰে বুলি সম্ভাৱনা ব্যক্ত কৰিছে৷