বলীউডৰ অভিনেতা তথা মানৱহিতৈষী হিচাপে চিহ্ণিত হৈ অহা ছনু ছুডে ক’ভিড–১৯ ইমাৰজেঞ্চী ৱার্ডত চিকিৎসাধীন যুৱতী এগৰাকীৰ মৃত্যুত গভীৰ শোক প্রকাশ কৰিছে৷ ডাঃ মণিকা লাংগেহে এই যুৱতীগৰাকীক লৈ ‘লাভ ইউ জিন্দেগী’ শীর্ষক এক ভিডি’ ছ’চিয়েল মিডিয়াত পোষ্ট কৰিছিল৷ ছ’চিয়েল মিডিয়া প্লেটফর্মত এই ভিডি’ই জ্বৰ তুলিছিল৷ কালি লাভ ইউ জিন্দেগী ভিডি’ৰ যুৱতীগৰাকীৰ মৃত্যু হোৱা বুলি ডাঃ মণিকা লেংগেহে টুইটাৰযোগে ঘোষণা কৰিছে৷
অভিনেতা ছুডে আজি গভীৰ শোক প্রকাশ কৰি কৈছে যে এয়া অতি দুখজনক ঘটনা৷ যুৱতীগৰাকীয়ে কল্পনা কৰা ধৰণে পুনৰ পৰিয়ালক লগ নাপায়৷ সুন্দৰ জীৱন এতিয়া ভয়াৱহ হৈ পৰিছে বুলি আক্ষেপ প্রকাশ কৰে ছুডে৷ অভিনেতাগৰাকীৰ এই শোকবার্তায়ো এতিয়া ছ’চিয়েল মিডিয়াত আলোড়ন সৃষ্টি কৰিছে৷