নিয়মীয়া বাৰ্তা, ১ ফেব্ৰুৱাৰী: প্রধানমন্ত্রী নৰেন্দ্র মোদী নেতৃত্বাধীন এনডিএ চৰকাৰৰ দ্বিতীয়টো কার্যকালৰ অন্তিমখন পূর্ণাংগ বাজেট আজি সদনত দাখিল কৰিলে কেন্দ্রীয় বিত্তমন্ত্রী নির্মলা সীতাৰমণে৷ পুৱা ১১ বজাত লোকসভাত কেন্দ্রীয় বাজেট ২০২৩–২০২৪ দাখিল কৰে বিত্তমন্ত্রী সীতাৰমণে৷ এতিয়াৰে পৰা আপুনি ৭ লাখ টকা পৰ্যন্ত দিব নালাগে আয়কৰ। পেঞ্চনাৰ আৰু চৰকাৰী চাকৰিয়াললৈ দিলে বিত্তমন্ত্ৰীয়ে দিলে কেইবাটাও ভাল খবৰ। কি কি আছে বিত্তমন্ত্ৰীৰ কেন্দ্ৰীয় বাজেটত?
ইয়াৰ মাজতে বিত্তমন্ত্রীয়ে কয় যে কোনবোৰ বস্তুত দাম হ্ৰাস হোৱাৰ বিপৰীতে কোনবোৰ বস্তু ব্যয়বহুল হ’ব৷
দাম কমিব-
- মোবাইল ফোন আৰু কেমেৰাৰ লেন্স সস্তা হ’ব।
- বিদেশৰ পৰা অহা ৰূপ সস্তা হ’ব।
- এল ই ডি টিভি আৰু বায়’গেছৰ সৈতে জড়িত বস্তুবোৰ সস্তা হ’ব।
- কিছুমান টিভিৰ কম্পোনেণ্টৰ কাষ্টম ডিউটি হ্ৰাস কৰা হৈছে।
- ইলেক্ট্ৰিক গাড়ী, খেলা সামগ্ৰী আৰু চাইকেল সস্তা হ’ব।
- হিট কইলত কাষ্টম ডিউটি হ্ৰাস কৰা হৈছে।
দাম বৃদ্ধি হ’ব-
- সোণ-ৰূপ আৰু প্লেটিনাম ব্যয়বহুল হ’ব।
- চিগাৰেটৰ খৰচ বেছি হ’ব, শুল্ক ১৬% লৈ বৃদ্ধি।
- আমদানিকৃত দুৱাৰ আৰু পাকঘৰৰ চিমনি ব্যয়বহুল হ’ব।
- বিদেশী খেল-সামগ্ৰীৰ দাম বাঢ়িব।
বাজেটৰ কেইটামান ডাঙৰ ঘোষণা-
- জ্যেষ্ঠ নাগৰিক সঞ্চয় আঁচনিৰ অধীনত ১৫ লাখ টকাৰ সীমা ৩০ লাখলৈ বৃদ্ধি কৰা হৈছে।
- মাহেকীয়া আয় একাউণ্ট আঁচনিৰ অধীনত বৰ্তমানৰ ৪.৫ লাখ টকাৰ সীমা ৯ লাখলৈ বৃদ্ধি কৰা হৈছে।
- মহিলা সন্মানৰ সঞ্চয়ৰ প্ৰমাণ পত্ৰ প্ৰদান কৰা হ’ব, যাৰ কাৰ্যকাল দুবছৰ আৰু ইয়াৰ অধীনত দুবছৰৰ বাবে মহিলা বা কন্যা সন্তানৰ নামত দুই লাখ টকা জমা কৰিব পাৰিব।
- সংস্থাসমূহৰ বাবে সাধাৰণ আইডি হ’ব পেন। জব্দ কৰা এম এছ এম ইৰ ৯৫% ধন ঘূৰাই দিয়া হ’ব। কৰোনা মহামাৰীত জব্দ কৰা ধন ঘূৰাই দিয়া হ’ব।
- শক্তি সুৰক্ষাৰ ক্ষেত্ৰত ৩৫ হাজাৰ কোটি টকা বিনিয়োগ কৰা হ’ব। নবীকৰণযোগ্য শক্তি খণ্ডত ২০,৭০০ কোটি টকা বিনিয়োগ কৰা হ’ব।
- প্ৰধানমন্ত্ৰী কৌশল বিকাশ যোজনা ৪.০ মুকলি কৰা হ’ব। দেশত স্থাপন কৰা হ’ব ৩০টা ‘স্কিল ইণ্ডিয়া ইণ্টাৰনেশ্যনেল চেণ্টাৰ’।