ইণ্ডিগো এয়াৰলাইনৰ ওপৰত ডেৰ লাখ টকাৰ জৰিমনা আৰোপ কৰা হৈছে। দিল্লীৰ উপভোক্তা ফ’ৰামে এজন যাত্ৰীৰ অভিযোগৰ ভিত্তিত এই ৰায় দিছে। যাত্ৰীৰ অভিযোগ আছিল যে, আজাৰবাইজানৰ ৰাজধানী বাকুৰ পৰা দিল্লীলৈ অহা ফ্লাইটত তেওঁক অস্বচ্ছ আৰু মলিন আসন প্ৰদান কৰা হৈছিল। উপভোক্তা ফ’ৰামে এয়াৰলাইনক সেৱাক দোষ দিছিল আৰু ডেৰ লাখ টকাৰ জৰিমনা আৰোপ কৰিলে।
এই বছৰ ২ জানুৱাৰীত বাকুৰ পৰা দিল্লীলৈ অহা ফ্লাইটত এজন যাত্ৰীৰ বাবে মলিন আৰু দাগযুক্ত আসন দিয়াৰ অভিযোগ উঠিছিল। ক্ষতিগ্ৰস্ত ব্যক্তিয়ে এই বিষয়টো লৈ দিল্লী উপভোক্তা ফ’ৰামত অভিযোগ দাখিল কৰিছিল। পৰৱৰ্তীকালত, এয়াৰলাইনক সেৱাত অৱহেলাৰ বাবে দোষী বিচাৰত এই জৰিমনা আৰোপ কৰা হয়। যাত্ৰীজনৰ অশান্তি, বেদনা আৰু মানসিক পীড়াৰ বাবে ইণ্ডিগোক ১.৫ লাখ টকা ক্ষতিপূৰণ দিবলৈ নিৰ্দেশ দিয়া হৈছে।
উপভোক্তা ফ’ৰামে নিজৰ সিদ্ধান্তত কি ক’লে?
যাত্ৰীজনৰ অভিযোগ আছিল যে এই বিষয়টোলৈ তেওঁ দাখিল কৰা অভিযোগ এয়াৰলাইনয়ে অত্যন্ত অসংবেদনশীলভাৱে উলট পাথাৰ কৰিলে। যদিও এয়াৰলাইনৰ পক্ষৰ পৰা জনোৱা হৈছিল যে তেওঁলোক অভিযোগটো লক্ষ্য কৰিছিল আৰু যাত্ৰীজনক এটা পৃথক আসন প্ৰদান কৰিছিল, য’ত তেওঁ নিজৰ ইচ্ছাতেই দিল্লীলৈ যাত্ৰা সম্পূৰ্ণ কৰিছিল।
ফ’ৰামে নিৰ্দেশ দিছে যে ইণ্ডিগোৱে মানসিক পীড়া, শাৰীৰিক বেদনা আৰু হাইৰানীৰ বাবে ১.৫ লাখ টকা আৰু গোচৰৰ খৰচ হিচাপে ২৫,০০০ টকা দিব লাগিব।
আদেশত এইটোও উল্লেখ কৰা হৈছে যে এয়াৰলাইনয়ে সিচুৱেচন ডাটা ডিছপ্লে (SDD) ৰিপ’ৰ্ট দাখিল কৰা নাই, যি মানক বিমান চলাচল প্ৰট’কলৰ অধীনত প্ৰয়োজনীয় অভ্যন্তৰীণ পৰিচালনাৰ নথিপত্ৰৰ এটা গুৰুত্বপূর্ণ অংশ। প্ৰতিপক্ষৰ লিখিত বিবৃতি বা প্ৰমাণত এই ৰিপ’ৰ্টৰ কোনো উল্লেখ নাছিল। SDD হৈছে এটা গুৰুত্বপূর্ণ নথিপত্ৰ, যাৰ সহায়ত ফ্লাইট পৰিচালনা নিৰীক্ষণ আৰু যাত্ৰী-সম্পৰ্কীয় ঘটনা নথিভুক্ত কৰা হয়।
Niyomiya barta desk