নিয়মীয়া বাৰ্তা, ২২ জানুৱাৰীঃ থাইলেণ্ড অ’পেনৰ পুৰুষ আৰু মহিলা শাখাৰ ছিংগলছৰ কোৱার্টাৰ ফাইনেলৰ পৰা বিদায় ল’লে ভাৰতৰ দুই তাৰকা শ্বাটলাৰ সমীৰ বার্মা আৰু পি ভি সিন্ধুৱে৷ পুৰুষ ছিংগলছৰ কোৱার্টাৰ ফাইনেল মেচখনত সমীৰ বার্মা বিশ্বৰ তৃতীয় বাছনিৰ ডেনমার্কৰ আণ্ডের্ছ এণ্টনছেনৰ হাতত ১৩–২১, ২১–১৯, ২০–২২ গেমত পৰাস্ত হয়৷
ইফালে, মহিলাৰ ছিংগলছৰ কোৱার্টাৰত সিন্ধুৱে থাইলেণ্ডৰ ৰাটছানক ইণ্টাননৰ হাতত পৰাজয় স্বীকাৰ কৰে৷ ষষ্ঠ বাছনিৰ সিন্ধু মেচখনত ১৩–২১, ৯–২১ গেমত পৰাস্ত হয়৷ ইপিনে, স্বাত্বিকসৈৰাজ ৰনকিৰেড্ডী আৰু অশ্বিনী পোনাপ্পাৰ দ্বাৰা গঠিত ভাৰতীয় যুটিটোৱে প্রতিযোগিতাখনৰ মিক্সড ডাবলছৰ ছেমিত প্রৱেশ কৰিছে৷ অবাছনিপ্রাপ্ত ভাৰতীয় যুটিটোৱে পঞ্চম বাছনিৰ মালয়েছিয়াৰ পেং শ্বুন ছান আৰু লিউ য়িং গ’ যুটিক ১৮–২১, ২৪–২২, ২২–২০ গেমত পৰাস্ত কৰে৷