নিয়মীয়া বাৰ্তা ,৩০ জানুৱাৰীঃ ডিব্রুগড় বিশ্ববিদ্যালয়ৰ নতুন উপাচার্য হিচাপে বর্তমান পঞ্জীয়ক পদত কর্মৰত ড০ জিতেন হাজৰিকাক আজি আচার্য তথা ৰাজ্যপাল, অধ্যাপক জগদীশ মুখীয়ে নিযুক্তি প্রদান কৰিছে৷ অহা ৩১ জানুৱাৰীত ড০ জিতেন হাজৰিকাহ উপাচার্য হিচাপে দায়িত্ব গ্রহণ কৰাৰ কথা৷
উল্লেখ্য যে ডিব্রুগড় বিশ্ববিদ্যালয়ৰ উপাচার্য ড০ ৰঞ্জিত তামুলীক অপসাৰণৰ পাছত ড০ লীলাকান্ত নাথক উপাচার্য হিচাপে দায়িত্ব দিছিল৷ অহা ৩১ জানুৱাৰীত তেওঁ অৱসৰ গ্রহণ কৰিব৷ সেয়ে আজি ৰাজভৱনৰ তৰফৰ পৰা এখন পত্রৰ জৰিয়তে পৰৱর্তী উপাচার্য হিচাপে ডিব্রুগড় বিশ্ববিদ্যালয়ৰ পঞ্জীয়ক ড০ জিতেন হাজৰিকাক এহ গুৰুদায়িত্ব অর্পণ কৰিছে৷ উজনি অসমৰ বৌদ্ধিক পীঠস্থান ডিব্রুগড় বিশ্ববিদ্যালয়ৰ উপাচার্য হিচাপে দায়িত্ব দিয়াৰ পাছত ড০ হাজৰিকাই ‘নিয়মীয়া বার্তা’ক কয় যে ৰাষ্ট্রীয় শিক্ষা নীতি যথাযথভাৱে প্রয়োগ কৰাটোৱেহ হ’ব আমাৰ বাবে প্রত্যাহ্বান৷তদুপৰি বিশ্ববিদ্যালয়খনৰ সর্বতোপ্রকাৰৰ উন্নতিয়েহ হ’ব মোৰ প্রথম আৰু প্রধান লক্ষ্য৷ মোক এনে এখন আসন দিয়া বাবে মহ নিজে হতবাক৷ কিন্তু দায়িত্ব নিষ্ঠাৰে পালন কৰাত কোনো কৃপণালি নকৰোঁ৷
উল্লেখ্য যে ডিব্রুগড় বিশ্ববিদ্যালয়ৰ তদানীন্তন উপাচার্য ড০ ৰঞ্জিত তামুলীৰ সীমাহীন দুর্নীতিৰ বিষয়ে বাতৰি প্রকাশ হোৱাৰ পাছতে সেহ বাতৰি সত্য প্রমাণিত হৈছিল আৰু তেওঁক অনিয়মৰ অভিযোগত উপাচার্য পদৰ পৰা অপসাৰণ হৈছিল৷