বিশেষ বাৰ্তা, ৭ফেব্ৰুৱাৰীঃ অগণন লোকৰ হৃদয়ত বছৰ বছৰ ধৰি অণুৰণন তুলি কিংবদন্তী সংগীত শিল্পী লতা মংগেশকাৰে অৱশেষত কালি চিৰ বিদায় মাগিলে। এই সংবাদত শোকস্তব্ধ হৈছে সমগ্ৰ দেশ। ভাৰতৰত্ন লতা মংগেশকাৰৰ প্ৰতি শ্ৰদ্ধাঞ্জলি জনাবলৈ আজি মহাৰাষ্ট্ৰত স্থানীয় বন্ধ ঘোষণা কৰা হৈছে। ৰাজ্যখনৰ মুখ্যমন্ত্ৰী উদ্ভৱ থাকৰেই কালিয়ে এই ঘোষণা কৰিছে। আজি মহাৰাষ্ট্ৰৰ সকলো স্কুল, কলেজ, কাৰ্যালয় বন্ধ। একেদৰে ভাৰতীয় ৰিজাৰ্ভ বেংকৰ অধীনতো ধনৰ লেন-দেন বিভিন্ন ক্ষেত্ৰত আজি বন্ধ থাকিব। বোম্বে উচ্চ ন্যয়ালয়ৰ ন্যায়িক কাম-কাজো আজি স্থগিত ৰখা হৈছে।