নিয়মীয়া বাৰ্তা, ২৪ ফেব্ৰুৱাৰীঃ সাধাৰণতে শচীনে কোনো ধৰণৰ মদ-জুৱা আদিৰ বিজ্ঞাপনত ভাগ লোৱা দেখা নাযায়। কিন্তু হঠাত ক্ৰিকেটৰ ভগৱান শচীন তেণ্ডুলকাৰৰ কিছু ছবি সামাজিক মাধ্যমত ভাইৰেল হৈছে, যত এটা কেছিনোৰ বিজ্ঞাপনl শচীনৰ ফটো দিয়া দেখা গৈছে।যাৰ বাবে ক্ৰিকেটৰ ভগৱান খ্যাত শচীন হতাশ তথা দুখিত হৈ পৰিছে। মাষ্টাৰ ব্লাষ্টাৰে কয় যে এই ছবিসমূহ সম্পাদিত কৰা হৈছে আৰু ইয়াৰ বিৰুদ্ধে আইনী ব্যৱস্থাও গ্ৰহণ কৰা হব। শচীনে কয় যে আমি জনামতে সামাজিক মাধ্যমত মোৰ ছবি টেম্পাৰ কৰি বহু বিজ্ঞাপন দিয়া দেখা পাইছোঁ, যত এটা কেছিনোৰ বিজ্ঞাপনো আছে। মই ব্যক্তিগতভাৱে কেতিয়াও প্রত্যক্ষ বা পৰোক্ষভাৱে জুৱা, এলকহল বা তেনেধৰণৰ বিজ্ঞাপন কৰা নাই। মই দুঃখিত যে মোৰ এই ছবি মানুহক বিভ্ৰান্ত কৰাৰ বাবে ব্যৱহাৰ কৰা হৈছে। গতিকে মই ইয়াৰ বিৰুদ্ধে শীঘ্ৰে আইনী ব্যৱস্থা গ্ৰহণ কৰিম।