বিশেষ বাৰ্তা, ১০ মাৰ্চঃ পাঁচ ৰাজ্যৰ বিধানসভা নিৰ্বাচনৰ ভোটগণনা চলি আছে। এইবাৰ আম আদমী পাৰ্টীয়ে বৃহৎ জয় সাৱ্যস্ত কৰাৰ দিশে আগুৱাইছে পাঞ্জাবত। ১১৭ খন আসনৰ ভিতৰত দলটোৱে এতিয়ালৈ ৮৮খন আসনত আগুৱাই আছে। আনহাতে, কংগ্ৰেছে ১৩খন, আকালী দলে ১০খন আৰু বিজেপিয়ে মাত্ৰ ৫খন আসনতে সীমিত আছে। গতিকে ৰাজ্যখনত আপৰ চৰকাৰ গঠন হোৱাটো একপ্ৰকাৰ প্ৰায় নিশ্চিত হৈছে। দিল্লীৰ পাছত পাঞ্জাব দ্বিতীয়খন ৰাজ্য হ’ব য’ত আপে চৰকাৰ গঠন কৰিব।