নিয়মীয়া বার্তা, মহুৰামুখ, ১৯ মাৰ্চঃ গোলাঘাট জিলাৰ কমাৰগাঁৱৰ ধোদাঙত ঋতুকালীন ৰং আৰু আনন্দৰ উৎসৱ হোলী দুদিনীয়াকৈ উদযাপন কৰে। ধোদাং সন্মিলিত যুৱ সংঘৰ উদ্যোগত অঞ্চলবাসীৰ সহযোগত বৃহস্পতিবাৰে দুদিনীয়াকৈ অনুষ্ঠিত ৰঙৰ উৎসৱত আবিৰৰ ৰং আৰু বোকা ফাকু খেলি ৰঙীয়াল কৰে সময়। আনন্দৰ বন্যাত মতলীয়া হৈ পৰে সমবেত ৰাইজ। বোকা ফাকুৱা আৰু আবিৰৰ ৰঙেৰে চৌদিশ মুখৰিত হৈ পৰাৰ উপৰি বোকাময় পথাৰত ৰছি টনা, কাবাডী আদি খেলসমুহ অনুষ্ঠিত কৰি আনন্দত মতলীয়া হৈ পৰে ৰাইজ।