নিয়মীয়া বাৰ্তা, ২০ মাৰ্চঃ ৰুছ সেনাৰ গোলাবর্ষণত আহত হোৱা ইউক্রেইনৰ বেলেট তাৰকা আৰটম ডাটছিছিনৰ মৃত্যু ঘটিছে৷ ইউক্রেইনৰ বিৰুদ্ধে ৰাছিয়াই আৰম্ভ কৰা যুদ্ধত আক্রমণকাৰী সেনাৰ গোলাবর্ষণত আহত হোৱা ইউক্রেইনৰ নেচনেল অপেৰাৰ মুখ্য নৃত্যশিল্পী বেলেট তাৰকা আৰটম ডাটছিছিনৰ চিকিৎসাধীন অৱস্থাত বিয়োগ ঘটে৷ ৪৩ বছৰীয়া তাৰকা শিল্পী আৰটমৰ মৃত্যুৰ পূর্বে দেশখনৰে প্রসিদ্ধ অভিনেতা অকছানা শ্বুৱেটে ৰুছ সেনাৰ ৰকেট আক্রমণত কিছুদিন পূর্বে প্রাণ হেৰুৱাইছিল৷ বেলেট তাৰকা আৰটমৰ নশ্বৰদেহৰ শুকুৰবাৰে কিয়েভত অন্ত্যেষ্টিক্রিয়া সম্পন্ন কৰা হ’ব বুলি আন্তঃৰাষ্ট্রীয় সংবাদ মাধ্যমত প্রকাশ পাইছে৷