নিয়মীয়া বাৰ্তা, ২৭ জানুৱাৰীঃ গণৰাজ্য দিৱসৰ নিশা জখলাবন্ধাৰ ৩৭ নং ৰাষ্ট্ৰীয় ঘাইপথত সংঘটিত হয় এক ভয়ংকৰ পথ দুৰ্ঘটনা ।
যোৰহাট দিশৰ পৰা অহা তীব্ৰ বেগী AS 01 AN 4353 নম্বৰৰ এখন বলেৰ’ বাহনে এখন স্কুটি সহ আন চাৰিখন গাড়ী মহতিয়াই পথৰ দাতিত বাগৰি পৰে । ইপিনে দুৰ্ঘটনা সংঘটিত কৰিয়ে বলেৰ’ খনৰ চালকজন ঘটনাস্থলীৰ পৰা পলায়ন কৰে ।
এই দুৰ্ঘটনাত স্কুটি আৰোহীজন থিতাতে নিহত হোৱাৰ লগতে আন দুজন গুৰুতৰ ভাৱে আহত হয় । নিহত লোকজন বকুল কৰ্মকাৰ বুলি জানিব পৰা গৈছে ।
ইফালে আহত দুজনক সংকটজনক অৱস্থাত জখলাবন্ধা চিকিৎসালয়ত ভৰ্তি কৰোৱাৰ পাছত তেজপুৰ মেডিকেল কলেজলৈ উন্নত চিকিৎসাৰ বাবে প্ৰেৰণ কৰে ।