নিয়মীয়া বাৰ্তা, ২০ আগষ্টঃ দিনজোৰা বৰ্ণাঢ্য কাৰ্য্যসূচীৰে কালি হাজোৰ বিষ্ণুৰাম মেধি প্ৰেক্ষাগৃহত হাজো প্ৰেছ ক্লাৱৰ সহযোগত কামৰূপ জিলা সাংবাদিক সন্থাৰ ৩৩ সংখ্যাক প্ৰতিষ্ঠা দিৱসটি পালন কৰা হয়। প্ৰতিষ্ঠা দিৱসৰ লগত সংগতি ৰাখি পুৱা পতকা উত্তোলন, স্মৃতি তৰ্পন, বৃক্ষৰোপন আদি কাৰ্য্যসূচী ৰূপায়ণ কৰাৰ লগতে দিনৰ ভাগত কামৰূপ জিলা সাংবাদিক সন্থাৰ সভাপতি মধুসূদন মেধিৰ সভাপতিত্বত আৰু অসম বাৰ্তাজীৱী সংঘৰ সম্পাদক মুকুটৰাজ শৰ্মাই উদ্ধোধনী কৰা মুকলি সভাত মুখ্য অতিথি হিচাপে কামৰূপ জিলাৰ অতিৰিক্ত উপায়ুক্ত সিদ্ধাৰ্থ শৰ্মা, নিৰ্দিষ্ট বক্তা হিচাপে অসম যুৱ আয়োগৰ সদস্য ৰাতুল শৰ্মা, বিশিষ্ট অতিথি হিচাপে সদৌ অসম ছাত্ৰ সন্থাৰ উপদেষ্টা প্ৰকাশ চন্দ্ৰ দাস, আমন্ত্ৰিত অতিথি হিচাপে এমণ্ট্ৰনৰ উপ-প্ৰৱন্ধক দিনমণি ভাণ্ডাৰ কায়স্থ, অসম বাৰ্তাজীৱী সংঘৰ প্ৰচাৰ সম্পাদক হেমন্ত বৰ্মন, ওদালগুৰি জিলা বাৰ্তাজীৱী সংঘৰ সভাপতি অখিল কলিতাৰ লগতে কামৰূপ জিলাৰ প্ৰায়সংখ্যক সাংবাদিক উপস্থিত থাকি ভাষণ দিয়ে। সমগ্ৰ অনুষ্ঠানৰ আতঁ ধৰে কমৰূপ জিলা সাংবাদিক সন্থাৰ সম্পাদক তৰণীচৰণ কলিতাই।