নিয়মীয়া বাৰ্তা, ২০ আগষ্টঃ দেশৰ প্ৰাক্তন প্ৰধানমন্ত্ৰী প্ৰয়াত ৰাজীৱ গান্ধীৰ জন্মদিৱস আজি দেশৰ অইন প্ৰান্তৰ লগতে বজালীতো পালন কৰা হয়৷ বজালী জিলা কংগ্ৰেছ কমিটিৰ উদ্যোগত পাঠশালাস্থিত জিলা কাৰ্যালয়ত আয়োজিত দিৱসৰ পুৱা ৰাজীৱ গান্ধীৰ প্ৰতিমূৰ্ত্তিত বন্তি প্ৰজ্বলন আৰু মাল্যাৰ্পণ কৰে বজালী জিলা কংগ্ৰেছৰ সভাপতি গিৰীশ পাটগিৰীয়ে৷ ইয়াৰ পাছতে অনুষ্ঠিত এক সভাত প্ৰাক্তন প্ৰধানমন্ত্ৰী প্ৰয়াত গান্ধীৰ স্মৃতিচাৰণ কৰাৰ লগতে তেওঁৰ আদৰ্শৰে কৰ্মকৰ্তাসতলক আগবাঢ়িবলৈ আহ্বান জনায় জিলা সভাপতি গিৰীশ পাটগিৰীয়ে৷ সভাত বৰপেটা জিলাৰ প্ৰাক্তন সভাপতি শান্তনু শৰ্মা, সৰ্বভাৰতীয় যুৱ কংগ্ৰেছৰ প্ৰাক্তন সম্পাদিকা চৰিফা ৰহমান, বজালী জিলা যুৱ কংগ্ৰেছৰ সভাপতি আৰু কাৰ্যকৰী সভাপতি ক্ৰমে আমিনুল শিকদাৰ আৰু চিন্ময় তালুকদাৰ বজালী আৰু ভৱানীপুৰ ব্লক কংগ্ৰেছৰ সভাপতি ক্ৰমে অৰুণ দাস, ইছমাইল হুছেইনৰ লগতে বজালী জিলা বিভিন্ন ব্লকৰ কৰ্মকৰ্তাসকল উপস্থিত থাকে৷
প্ৰেৰকঃ কল্যাণ কলিতা