বাৰ্তা ব্যুৰ, ৩০ আগষ্ট : গোৱালপাৰা জিলা কৰ্মচাৰী পৰিষদৰ সভাপতি শৰৎ দাসে পুনৰ সদৌ অসম কৰ্মচাৰী পৰিষদৰ উপ-সভাপতি হিচাপে নিৰ্বাচিত হৈছে। উল্লেখ্য যে ২৭ আৰু ২৮ আগষ্টত শিলচৰত অনুষ্ঠিত হয় সদৌ অসম কৰ্মচাৰী পৰিষদৰ ৩৭সংখ্যক বাৰ্ষিক অধিবেশনৰ সাধাৰণ সভা। উক্ত সভাত অসমৰ ৫২খন জিলা কৰ্মচাৰী পৰিষদৰ লগতে কৰ্মচাৰী পৰিষদৰ অন্তৰ্ভুক্ত অসমৰ বিভিন্ন বিভাগৰ সন্থা-সংঘসমূহৰ ভোট দান প্ৰক্ৰিয়াৰ জৰিয়তে পুনৰ সদৌ অসম কৰ্মচাৰী পৰিষদৰ উপ-সভাপতি হিচাপে নিৰ্বাচিত হৈ গোৱালপাৰালৈ গৌৰৱ কঢ়িয়াই অনা শৰৎ দাসক গোৱলপাৰা জিলা কৰ্মচাৰী পৰিষদৰ উপ সভাপতি অনিৰুদ্ধ দাস, সাধাৰণ সম্পাদক ভগদত্ত নাথ আৰু যুটীয়া সম্পাদক ৰফিউল কৰিম আৰু নিপন দাসে শুভেচ্ছা জ্ঞাপন কৰিছে। ইপিনে শদিয়াৰ পৰা ধুবুৰীলৈ সকলো প্ৰতিনিধিৰ লগতে সদৌ অসম কৰ্মচাৰী পৰিষদৰ মুখ্য উপদেষ্টা বাসৱ কলিতাকো ধন্যবাদ জ্ঞাপন কৰিছে গোৱালপাৰা জিলা কৰ্মচাৰী পৰিষদৰ উল্লেখিত নেতৃবৃন্দই।