বিশেষ বাৰ্তা, ১১ অক্টোবৰঃ অসম আৰক্ষীত ব্যাপক ৰদবদল কৰিছে ৰাজ্য চৰকাৰৰ গৃহ বিভাগে ৷ সেইমৰ্মে ৬ জিলাৰ আৰক্ষী অধীক্ষকক বদলি কৰা হৈছে ৷ গৃহ বিভাগৰ নির্দেশনা অনুসৰি হাইলাকান্দিৰ আৰক্ষী অধীক্ষক গৌৰৱ উপাধ্যায়ক অসম আৰক্ষীৰ পুনৰসংস্থাপন আৰু দুর্নীতি নিবাৰকৰ অধীক্ষক ৰূপে বদলি কৰা হৈছে ৷ আনহাতে কোকৰাঝাৰৰ আৰক্ষী অধীক্ষক থুবেই প্রতীক বিজয় কুমাৰক উত্তৰ গুৱাহাটীৰ মান্দাকাটাৰ কমাণ্ডো বেটেলিয়নৰ অধিনায়ক হিচাপে বদলি কৰা হৈছে ৷ তেওঁ বর্তমানৰ অধিনায়ক সঞ্জীৱ কুমাৰ শইকীয়াৰ পৰা দায়িত্ব গ্রহণ কৰিব ৷ একেদৰে মৰিগাঁৱৰ আৰক্ষী অধীক্ষক অপর্ণা নটৰাজনক ধুবুৰীৰ আৰক্ষী অধীক্ষক ৰূপে বদলি কৰা হৈছে ৷ কার্বি আংলঙৰ আৰক্ষী অধীক্ষক পুষ্পৰাজ সিঙক কোকৰাঝাৰৰ আৰক্ষী অধীক্ষক ৰূপে বদলি কৰা হৈছে ৷ ধুবুৰী আৰক্ষী অধীক্ষক গৌৰৱ অভিজিৎ দিলীপক তিনিচুকীয়াৰ আৰক্ষী অধীক্ষক ৰূপে বদলি কৰা হৈছে ৷ তিনিচুকীয়াৰ আৰক্ষী অধীক্ষক দেৱজিৎ দেউৰীৰ পৰা তেওঁ এই দায়িত্ব গ্রহণ কৰিব ৷ তিনিচুকীয়াৰ আৰক্ষী অধীক্ষক দেৱজিৎ দেউৰীক গুৱাহাটীৰ বশিষ্ঠত থকা এ এফ পি এফৰ কমাণ্ডেণ্ট হিচাপে বদলি কৰা হৈছে ৷ গুৱাহাটীৰ ডিচিপি (প্রশাসন) হেমন্ত কুমাৰ দাসক মৰিগাঁৱৰ আৰক্ষী অধীক্ষক হিচাপে বদলি কৰা হৈছে ৷ তেওঁ অপর্ণা নটৰাজনৰ পৰা দায়িত্ব চমজি ল’ব ৷ একেদৰে গুৱাহাটীৰ পশ্চিম আৰক্ষী জিলাৰ ডিচিপি নৱনীত মহন্তক হাইলাকান্দিৰ আৰক্ষী অধীক্ষক হিচাপে বদলি কৰা হৈছে ৷ তেওঁ হাইলাকান্দিৰ বর্তমানৰ আৰক্ষী অধীক্ষক গৌৰৱ উপাধ্যায়ৰ পৰা দায়িত্ব চমজি ল’ব ৷ ইফালে আৰক্ষীৰ বিশেষ শাখাৰ অধীক্ষক শুভাশীষ বৰুৱাক গুৱাহাটীৰ ডিচিপি (প্রশাসন)লৈ বদলি কৰা হৈছে৷ একেদৰে প্রথম এ এফ পি এফ বেটেলিয়নৰ অধিনায়ক দেৱাশীষ বৰুৱাক গুৱাহাটী পশ্চিম আৰক্ষী জিলাৰ ডিচিপি ৰূপে বদলি কৰা হৈছে৷ উত্তৰ গুৱাহাটীৰ মান্দাকাটাৰ বেটেলিয়নৰ অধিনায়ক সঞ্জীব কুমাৰ শইকীয়াক কার্বি আংলং জিলাৰ আৰক্ষী অধীক্ষক ৰূপে বদলি কৰা হৈছে৷ তেওঁ জিলাখনৰ বর্তমানৰ আৰক্ষী অধীক্ষক পুষ্পৰাজ সিঙৰ পৰা দায়িত্ব চমজি ল’ব৷