নিয়মীয়া বাৰ্তা, ২০ নৱেম্বৰ: টি-২০ শৃংখলাৰ দ্বিতীয়খন খেলত ভাৰতে নিউজিলেণ্ডক ৬৫ ৰানত পৰাস্ত কৰে। টিম ইণ্ডিয়াৰ হৈ এই খেলখনত বিধ্বংসী বেটিং কৰি অপৰাজিত শতক অৰ্জন কৰে সূৰ্যকুমাৰ যাদৱে। আনহাতে দীপক হুডাই ৪ উইকেট দখল কৰে। যুজবেন্দ্ৰ চাহালে লাভ কৰে ২টা উইকেট।
প্ৰথমে বেটিং কৰি ভাৰতে নিউজিলেণ্ডক ১৯২ ৰানৰ লক্ষ্য বান্ধি দিছিল। এই লক্ষ্য আগত লৈ নিউজিলেণ্ডে মাত্ৰ ১২৬ ৰানতে আটাইকেইটা উইকেট হেৰুৱাই ইনিংছ সামৰে। দলটোৰ হৈ সৰ্বাধিক কেন উইলিয়ামছনে অৰ্ধশতক অৰ্জন কৰে।
প্ৰথমে বেটিং কৰি টিম ইণ্ডিয়াই ২০ অভাৰত ৬টা উইকেট হেৰুৱাই ১৯১ ৰান সংগ্ৰহ কৰে। য’ত শতক অৰ্জন কৰে সূৰ্যকুমাৰ যাদৱে। তেওঁ মাত্ৰ ৫১টা বলৰ সন্মুখীন হৈ অপৰাজিত ১১১ ৰান সংগ্ৰহ কৰে। সূৰ্যকুমাৰৰ ইনিংছত ১১টা চাৰি আৰু ৭টা ছয় আছিল। ইয়াৰোপৰি ঈশান কিষানে ৩১টা বলত ৩৬ ৰান সংগ্ৰহ কৰে। লগতে শ্ৰেয়াছ আয়েৰ আৰু হাৰ্দিক পাণ্ডিয়াই ১৩ ৰানকৈ সংগ্ৰহ কৰি আউট হয়।
2nd T20I, Mount Maunganui: India beat New Zealand by 65 runs to take an unassailable 1-0 lead in three-match series. Suryakumar Yadav scored an unbeaten 111 off 51 balls.
— ANI (@ANI) November 20, 2022