নিয়মীয়া বাৰ্তা, ১ ডিচেম্বৰঃ আজি সীমান্ত সুৰক্ষা বাহিনী (বিএছএফ)ৰ ৫৮সংখ্যক স্থাপনা দিৱসৰ সৈতে সংগতি ৰাখি ধুবুৰীৰ বিটিএডি সংলগ্ন পানবাৰী বিঅছএফ ছাউনীত আয়োজিত হয় বৰ্ণাঢ্য কাৰ্য্যসূচী। বিএছএফৰ ডিআইজি ৰাম সলট ৰামসহ বহু উচ্চপদস্থ বিষয়াকে ধৰি ধুবুৰীৰ আৰক্ষী অধীক্ষক অপৰ্ণা নটৰাজনৰ উপৰি বিএছএফৰ জোৱানসকলৰ পৰিয়ালবৰ্গও উপস্থিত থাকে। বিএছএফৰ অৱসৰপ্ৰাপ্ত, প্ৰাক্তন সৈনিকৰ লগতে শ্বহীদৰ পৰিয়ালবৰ্গও উপস্থিত থকা আজিৰ এই অনুষ্ঠানতেই দুগৰাকীকৈ বিএছএফ জোৱানক উৎকৃষ্ট সেৱা মেডেল প্ৰদান কৰা হয়। দেশভক্তিমূলক গীত–নৃত্যৰে জীপাল হৈ উঠা আজিৰ এই কাৰ্য্যসূচীত আয়োজিত সাংস্কৃতিক অনুষ্ঠানেও উপস্থিত সকলোৰে মন মুহিবলৈ সক্ষম হয়।
প্ৰেৰক অমিতাভ চক্ৰৱৰ্তী