নিয়মীয়া বাৰ্তা, ২ ডিচেম্বৰ : ৰঙিয়াত তিনি গভাইত চোৰ আটক। ৰাইজে খেদি খেদি আটক কৰিলে এজনক। আন দুজনক কৰায়ত্ব কৰিলে ৰঙিয়া আৰক্ষীয়ে। ধৃত চোৰকেইজন হৈছে ৰঙিয়াৰ নগৰৰ আৰএমএছ কলনিৰ মুন হাজৰিকা, কাজিগাঁৱৰ ৰুবুল আলী আৰু বাইহাটা চাৰিআলিৰ মান্দাকাটাৰ চিন্টু আহমেদ। জানিব পৰা মতে শেহতীয়াভাৱে ৰঙিয়া নগৰৰ ব্যৱসায়িক প্ৰতিষ্ঠানসমুহত ধৃত চোৰকেইজনে সঘনাই চুৰি কাৰ্য সংঘটিত কৰি আহিছিল। যোৱানিশা ৰঙিয়াৰ মুৰাৰাত নিৰ্মিয়মাণ গৃহ এটাৰ সামগ্ৰী চুৰি কৰি থকা মুহুৰ্তত চোৰ কেইজনক ৰাইজে প্ৰত্যক্ষ কৰে। ৰাইজৰ উপস্থিতিৰ উমান পাই ঘটনাস্থলীৰ পৰা চোৰ কেইজন পলায়ন কৰে যদিও এজনক ৰাইজে খেদি খেদি কৰায়ত্ব কৰি আৰক্ষীক গতাই দিয়ে। ইফালে আৰক্ষীয়ে লগে লগে অভিযান চলাই দুজন চোৰক আটক কৰে। আটকাধীন চোৰ কেইটাক ৰঙিয়া থানাত জেৰা অব্যাহত ৰাখিছে ।
প্ৰেৰক ফাৰুক হুছেইন