নিয়মীয়া বাৰ্তা, ২৬ ডিচেম্বৰ: অসম ৰাজ্যিক সাংবাদিক সন্হাই ” বৰ্ষ শ্ৰেষ্ঠ গ্ৰাম্য সাংবাদিকতা বঁটা 2022″ প্ৰদান কৰিছে মৰিগাঁও জিলাৰ লাহৰীঘাটৰ প্ৰাগ নিউজৰ সাংবাদিক প্ৰণৱ গোস্বামীক। ৰবিবাৰে জাগীৰোড মহাবিদ্যালয় প্ৰাঙ্গনত অনুষ্ঠিত এক গাম্ভিয্যপূৰ্ণ অনুষ্ঠানত প্ৰেছ কাউঞ্চিল অফ ইণ্ডিয়াৰ সদস্য তথা ইণ্ডিয়ান জাৰ্ণেলিষ্ট ইউনিয়নৰ সভাপতি বিনোদ কোহেলিৰ হাতৰ পৰা এই বটা গ্ৰহণ কৰে গোস্বামীয়ে। গুৱাহাটীৰ পৰা প্ৰকাশিত ” জনসাধাৰণ” ত ২০০৫ চনৰ পৰা, “দৈনিক অগ্ৰদূত ” কাকতত ২০১২ চনৰ পৰা বৰ্তমানলৈ আৰু অসমৰ আগশাৰীৰ বাতৰি চেনেল ” প্ৰাগ নিউজ” ত ২০১৫ চনৰ পৰা বৰ্তমানলৈ মৰিগাঁও জিলাৰ উত্তৰ পশ্চিমাঞ্চলৰ সাংবাদিক হিছাবে সেৱা আগবঢ়াই আহিছে গোস্বামীয়ে। সাংবাদিকতাৰ সমান্তৰালকৈ অসমৰ কেবাখনো আলোচনীত গোস্বামীৰ লেখাই সমৃদ্ধ কৰিছে। ইয়াৰ ওপৰিও এগৰাকী নাট্যকাৰ, অভিনেতা, নাট পৰিচালক হোৱাৰ ওপৰিও বিভিন্ন সাংস্কৃতিক সংগঠনৰ সৈতে জড়ীত হৈ সমাজলৈ আগবঢ়োৱা অৱদানৰ লগতে বিশেষকৈ অসমৰ আগশাৰীৰ নিউজ চেনেল প্ৰাগ নিউজৰ জৰীয়তে গ্ৰামাঞ্চলৰ সকলো সমস্যা বলিষ্ঠ ভাৱে দৃষ্টি আকৰ্শন কৰিবলৈ সক্ষম হোৱা গোস্বামীক এই বৰ্ষত অসম ৰাজ্যিক সাংবাদিক সন্হাই ” বৰ্ষ শ্ৰেষ্ঠ গ্ৰাম্য সাংবাদিকতা বটা প্ৰদান কৰাত লাহৰীঘাট প্ৰেছ ক্লাৱে কৃতজ্ঞতা জ্ঞাপন কৰিছে।
উল্লেখ্য যে গোস্বামীৰ লগতে জ্যেষ্ঠ সাংবাদিক শাংকৱ কৌশিক বৰুৱাক “ৰোহিনী মেধি সোঁৱৰণী বঁটা ২০২২” , জ্যেষ্ঠ সাংবাদিক সঞ্জীৱ ফুকনক কমলা শইকীয়া সোঁৱৰণী বঁটা আৰু দ্বীজেন দাসক” সাংস্কৃতিক সাংবাদিকতা বঁটা ২০২২” প্ৰদান কৰে অসম ৰাজ্যিক সাংবাদিক সন্হাই। উল্লেখ্য যে জাগীৰোড মহাবিদ্যালয় প্ৰাঙ্গনত দুদিনীয়াকৈ অনুষ্ঠিত অসম ৰাজ্যিক সাংবাদিক সন্হাৰ পূৰ্ণাংগ জাগীৰোড অধিবেশনৰ অন্তিম কাৰ্যসূচী মুকলি সভাত বঁটা সমূহ প্ৰদান কৰা হয়।