নিয়মীয়া বাৰ্তা, ১৯ এপ্ৰিলঃ তিনিচুকীয়াৰ মাৰ্ঘেৰিটা ইণ্ডিয়া ক্লাৱ প্রাংগনত আজি সমন্বয় সমাজ কল্যাণ যুৱ সন্থাৰ উদ্যোগত দিনজোৰা কাৰ্যসূচীৰে ৰঙালী বিহু উৎসৱ উদযাপন কৰা হয়।
বিশিষ্ট কবি, সাহিত্যিক ড° ৰঞ্জিৎ দত্তৰ পৌৰোহিত্যত অনুষ্ঠিত মুকলি সভাৰ উদ্দেশ্য ব্যাখ্যা কৰে যুৱ সন্থাৰ সম্পাদক প্ৰাঞ্জল প্ৰতীম নেওগে। বিশিষ্ট সমাজ কৰ্মী ডি বি সোণাৰ, কবি সান্তনু চৰকাৰ, অশোক আগৰৱালা, আপকুৰ তিনিচুকীয়া জিলা সম্পাদক সোণাৰাম কলিতা, জ্যেষ্ঠ সাংবাদিক মানস প্রতিম গগৈ, সমন্বয় সমাজ কল্যাণ যুৱ সন্থাৰ সভাপতি লক্ষ্মীকান্ত বড়া, সম্পাদক প্ৰাঞ্জল প্ৰতীম নেওগ, শিক্ষক অনিল কুমাৰ সিং, মহিলা সমাজ কৰ্মী অনিতা দাস মহান্তি, দিপলী দিহিঙীয়াৰ লগতে কেইবাগৰাকী বিশিষ্ট ব্যক্তি উপস্থিত থকা মুকলি সভাৰ পিছতে স্থানীয় কেবাটিও হুঁচৰি দল, জেং বিহু দলৰ দ্বাৰা বিহু প্ৰদৰ্শন কৰা হয়। আনহাতে ডিগবৈ নৰ্থইষ্ট ডান্স একাডেমিৰ দ্বাৰা আকৰ্ষণীয় নৃত্য প্ৰদৰ্শন কৰাৰ পিছতে স্থানীয় কণ্ঠশিল্পী নিৰ্ম্মালি কলিতা মহাও দ্বাৰা গীত পৰিবেশন কৰা হয়।
প্ৰেৰক মানস প্ৰতিম গগৈ